એસટી વર્કશોપના વિદેશી દારૂના પ્રકરણમાં સિકયુરિટી ગાર્ડ સહિત આઠ સામે ફરિયાદ

એસટી વર્કશોપનો સિકયુરિટી ગાર્ડ ઝબ્બે

નિલમબાગ પોલીસે વિદેશી દારૂની 120 બોટલ મળી રૂ.1.42 લાખનો મુદામાલ કબ્જે લીધી

નિલમબાગ પોલીસે ચોકસ બાતમીના આધારે ભાવનગર એસટી વર્કશોપમાં દરોડો પાડયો હતો.અને પાનવાડી વિસ્તારમાં આવેલ એસટી વર્કશોપમાં આવેલા સ્ટોરે વિભાગ અને વોશરૂમ સહિત ડ્રાઈવર કંડકટરને ચીજ વસ્તુ રાખવા માટેની પેટીઓની તલાશી લેતા પોલીસ પણ ચોંકી ઉઠી હતી.અને સ્ટોર , શૈચાલય ,ડ્રાઈવર કંડકટરને ચીજ વસ્તુ રાખવા માટેની પેટીઓમાંથી વિદેશી દારૂની ૧૨૦ જેટલી બોટલો રૂ.૧,૪૨,૭૫૦ આવી હતી.પોલીસે કબ્જે લઈ સિકયુરિટી ગાર્ડ હીરા ઉર્ફે કિશન બચુભાઈ ગોહેલને સ્થળ પરથી ઝડપી લીધો હતો.જ્યારે વિરેન્દ્રસિંહ અર્જુનસિંહ વાઘેલા

,અર્જુનસિંહ ચંદ્રસિંહ ગોહિલ,નરેન્દ્રસિંહ જયેન્દ્રસિંહ જાડેજા,મિતુલ એચ ખેરડીયા,અજીતસિંહ જાડેજા, હીરેન્દ્રસિંહ નટવરસિંહ પઢિયાર,રમેશ મેઘજીભાઇ અંજારા એસટી કર્મચારી વિરૂધ્ધ દારૂ રાખવો અને લાવી આપી વેચાણ કરવા સામે ફરિયાદ નોંધી તમામને ઝડપી લેવા માટે ચક્રો ગતિમાન કર્યા છે.

એસટી વર્કશોપનો સિકયુરિટી ગાર્ડ દારૂનો વેપલો કરતો હતો

એસટી વર્કશોપમાં નિલમબાગ પોલીસે દરોડો પાડી દારૂ સાથે સિકયુરિટી ગાર્ડ હીરા ઉર્ફે કિશન બચુભાઈ ગોહેલને ઝડપી લઇ પૂછપરછ કરતા આખાય નેટવર્કનો પર્દાફાશ કર્યો હતો. એસટીમાં ફરજ બજાવતા ડ્રાઈવર કંડકટર વિદેશી દારૂનો જથ્થો લાવી સિકયુરિટી ગાર્ડ હીરા ઉર્ફે કિશનને આપતા હતા.અને સિકયુરિટી ગાર્ડ પોતાનું કમિશન રાખી છૂટક વેચાણ કરતો હોવાનું ખુલવા પામ્યું હતું.