વડોદરામાં ઠંડીનું જોર વધ્યું તાપમાન ૧૫ ડિગ્રીથી નીચે ગયું

વડોદરા, તા.16 

વડોદરામાં ફરીથી ઠંડીનું જોર શરૃ થયું છે. આજે તાપમાનનો પારો ગગડીને ૧૫ ડિગ્રીથી પણ નીચે જતો રહેતા લોકોને તીવ્ર ઠંડીનો અહેસાસ થયો હતો.

છેલ્લા એક સપ્તાહથી ગરમીનો પારો ૧૬ ડિગ્રીની આસપાસ રહેતા લોકો સામાન્ય ઠંડી અનુભવતા હતા પરંતુ આજે પારો અચાનક ૦.૮ ડિગ્રી નીચે ઉતરતાની સાથે ઉત્તરના ઠંડા પવનોના કારણે શીતલહેર ફેલાઇ હતી. સાંજ પડતાની સાથે જ ગરમ વસ્ત્રો પહેરીને બહાર નીકળવું પડે તેવું વાતાવરણ સર્જાયું હતું. આગામી દિવસોમાં પણ ઠંડીનું જોર વધશે તેમ સૂત્રોએ જણાવ્યું હતું.

હવામાનખાતાના જણાવ્યા મુજબ વડોદરામાં તાપમાનનો મહત્તમ પારો ૦.૮ ડિગ્રી ઘટીને ૨૯.૮ તેમજ ન્યુનત્તમ પારો પણ ૦.૮ ઘટીને ૧૪.૪ ડિગ્રી નોંધાયો હતો. હવામાં ભેજનું પ્રમાણ સવારે ૭૫ અને સાંજે ૩૨ ટકા હતું. જ્યારે ઉત્તર-પૂર્વથી ૭ કિલોમીટર પ્રતિ કલાક પવનની ઝડપ નોંધાઇ હતી.