વડોદરામાં મીઠાઈ ફરસાણની દુકાનો અને હોટલોમાં 28 સ્થળે ચેકિંગ

Vadodara Food Safety : નવરાત્રિનો તહેવાર ચાલુ છે અને દશેરાનો તહેવાર આવી રહ્યો છે, ત્યારે વડોદરા મ્યુનિસિપલ કોર્પોરેશનના ફુડ સેફ્ટી ઓફિસરો દ્વારા શહેરમાં મીઠાઈ ફરસાણની દુકાનો, હોટલો, રેસ્ટોરન્ટ અને ઉત્પાદન કેન્દ્રો મળીને 28 સ્થળે ચેકિંગ કરી ખાદ્ય પદાર્થોના 59 નમુના લીધા હતા.

વડોદરા શહે૨નાં જુદા-જુદા વિસ્તાર જેવા કે તરસાલી, ગોત્રી, રોડ, નિઝામપુરા, પાણીગેટ, આર.વી.દેસાઇ રોડ, અકોટા, મુજમહુડા, પ્રતાપનગ૨ ઓ.એન.જી.સી.ગેટ સામે, ન્યુ સમારોડ, માર્કેટ ચાર ૨૨સ્તા, સ૨દા૨ એસ્ટેટ, ખોડિયારનગર, છીપવાડ વિગેરેમાં આ ચેકિંગ કરાયું હતું. જે દ૨મ્યાન જીરૂ, મગદાળ, હળદળ પાવડર, ચટણી, પામોલીન, ચાટ મસાલો, બેસન, મોતીચુરના લાડુ, કેસરી પેન્ડા, સમોસાનો મસાલો, ગરમ મસાલો, ગાયનું દુધ, ધી મરચા પાવડર, પનીર, કાજુકરી, કપાસીયા તેલ, સીંગતેલ, સરસીયાનું તેલ, કોપરેલ તેલ, મકાઈનું તેલ, ખાંડ, ચા, ચણાદાળ, તુવેરદાળ, ફાફડા, જલેબી, બેસનના લાડુ, અંજીર કલાકંદ, સેવ, ફરાળી ચેવડો, મેથી, ગાઠીયા, ફુલવડી, રીફાઈન્ડ કપાસીયા તેલ, મેન્ગો બરફી, કાજુકતરી, અંજીર કતરી, ગ્રીનબરફી, સેવબરફી, અંજી૨ અખરોટ હલવો, કાઠીયાવાડી પેંડા, અંગુરી પેંડા, તલનું તેલ, કેસર બરફી, મલાઈ પેંડા વગેરેનાં નમુના લઈને તપાસ માટે પબ્લિક હેલ્થ લેબોરેટરીમાં મોકલી આપવામાં આવ્યા છે. આ ઉપરાંત શહે૨ના જુદાજુદા વિસ્તારોમાં ગરબા સ્થળોએ જઈ ત્યાં ખાણીપીણીના ઉભા કરવામાં આવેલા ફૂડ સ્ટોલોમા ચેકિંગ કર્યું હતું. જેમાં યુનાઇટેડ-વે ગરબા ગ્રાઉન્ડ ખાતે 57 સ્ટોલ, નવલખી ગરબા ગ્રાઉન્ડ ખાતે 35 સ્ટોલ તેમજ લક્ષ્મીવિલાસ પેલેસ ગરબા ગ્રાઉન્ડ ખાતે 40 સ્ટોલ મળીને કુલ 132 ફુડ સ્ટોલ ૫૨ ઇન્સપેક્શન કરવામાં આવ્યું હતું. જેમાં તમામ ફુડ સ્ટોલના ધંધાર્થીઓને સ્વચ્છતા અંગેની સૂચના અપાઈ હતી.