સુરત પાલિકા સંચાલિત તમામ સુમન સ્કૂલમાં સીસીટીવી કેમેરા મૂકાશે

Surat : સુરત પાલિકા દ્વારા પ્રાથમિક શાળા સાથે માધ્યમિક શાળા (સુમન શાળા) પણ શરું કરવામાં આવી છે. આ વિદ્યાર્થીઓની સલામતી માટે તમામ સુમન સ્કૂલમાં સીસીટીવી કેમેરા મુકવાનો નિર્ણય કર્યો છે. આ ઉપરાંત શાળાના વિદ્યાર્થીઓની સલામતી માટે મુકાયેલા કેમેરાનું મોનીટરીંગ પાલિકાના આઈસીસીસી પરથી  કરવામાં આવશે. 

સુરત પાલિકાની આજે મળેલી સ્થાયી સમિતિમાં સુમન સ્કુલમાં વિદ્યાર્થીઓની સલામતી તથા સ્વચ્છતા માટે ચર્ચા કરવામાં આવી હતી. આ ચર્ચા દરમિયાન વિદ્યાર્થીઓને સલામતી મળે અને શાળાના વહીવટ પારદર્શક થાય તે માટે સીસીટીવી કેમેરા મુકવાનો નિર્ણય કરવામાં આવ્યો છે.  પાલિકાની શાળામાં ધોરણ 9 થી 12ના વિદ્યાર્થીઓ અભ્યાસ કરે છે તેઓની સલામતી માટે શાળાની આસપાસની પ્રવૃત્તિઓ પર નજર રાખવી વધુ સરળ બનશે અને શિસ્તભંગ જેવી ઘટનાઓ અટકાવવામાં મદદ મળશે. વિજ્યુઅલ મોનીટરીંગથી વિદ્યાર્થી-અભિભાવક વિશ્વાસ વધશે અને શાળા વધુ જવાબદાર બનશે. 

આ સીસીટીવી કેમેરાની મદદથી પાલિકાની શાળા પરિસરમાં અનધિકૃત પ્રવેશ પર અંકુશ આવશે અને શિસ્ત ભંગ અને અનૈતિક વર્તન પર કડક નજર રાખી શકાશે. પાલિકા દ્વારા સીસીટીવી કેમેરાનો નિર્ણય કરાયો છે આ કેમેરાનું મોનીટરીંગ પાલિકાના આઈસીસીસી ખાતેથી કરવામાં આવશે તેના કારણે ગણતરીની મિનિટોમાં જ શાળામાં થતી પ્રવૃત્તિ અંગે માહિતી મળી શકશે.