વડોદરાના ખાસવાડી સ્મશાન પાસેથી રિવોલવર સાથે કેરિયર પકડાયો

વડોદરાઃ શહેરના નિઝામપુરા વિસ્તારમાંથી તાજેતરમાં એક એસટી બસમાં લવાયેલી રિવોલવર સાથે એક યુવક પકડાયાના બનાવ બાદ હવે કારેલીબાગ પોલીસે પણ એક રિવોલવર સાથે યુવકને ઝડપી પાડ્યો છે.

ખાસવાડી સ્મશાન ગૃહ પાસેથી કારેલીબાગ પોલીસની ટીમે ખભે બેગ લટકાવી પસાર થતા સુનિર રમણભાઇ સોલંકી(ભાથુજી મંદિર પાસે,કંડાચ ગામ,કાલોલ,પંચમહાલ)ને તપાસતાં અંદરથી એક દેશી રિવોલવર મળી આવી હતી.જેથી પીઆઇ એચ એમ વ્યાસે રિવોલવર સાથે રાખવાનું કારણ શું,રિવોલવર ક્યાંથી લાવ્યો હતો અને કોને આપવાની છે જેવા મુદ્દે પૂછપરછ હાથ ધરી છે.