મહિલાની ઓળખ માટે ભાઇના ડીએનએ મુંબઇથી મેળવાશે

 વડોદરા,અમદાવાદ પ્લેન ક્રેશમાં મૃતક કરજણ તાલુકાની એક મહિલાની ઓળખ મેળવવા માટે તેના ભાઇના ડીએનએ લેવાની જરૃર પડતા  કલેકટરે એક તબીબને તાબડતોબ મુંબઇ મોકલ્યા છે.

કરજણ પ્રાંત અધિકારીએ જણાવ્યું કે સાંસરોદ ગામના  આમદ વલી તાજુ, અલ્તાફ હુસેન પટેલ તથા તાજુ હસીનાબેન વલીભાઇ એર ઇન્ડિયાના પ્લેનમાં હતા. 

ઉક્ત બંને પુરૃષોના ડીએનએ મેળવી લેવાયા છે. પણ હસીનાબેનના ભાઇ મુંબઇ ખાતે મીરા રોડ ઉપર રહેતા હોવાથી તેમના સેમ્પલ લેવા માટે જિલ્લા આરોગ્ય તંત્રના મેડિકલ ઓફિસરને તત્કાલિન ટ્રેન મારફતે મુંબઇ મોકલવામાં આવ્યા છે. તેઓ આવતીકાલ સવારે સેમ્પલ લઇ પ્લેનમાં સીધા અમદાવાદ પહોંચશે.