જામનગરમાં બાઈક ચાલક દારૂ સાથે ઝડપાયો: બાઈક સહિત રૂ. 71 હજારનો મુદ્દામાલ જપ્ત

જામનગર શહેરના સીટી સી. ડિવિઝન વિસ્તારમાં પોલીસે બાઇક પર અંગ્રેજી દારૂ સાથે હેરાફેરી કરી રહેલા એક યુવકને ઝડપી પાડ્યો છે. અને બાઈક તેમજ દારૂ વગેરે કબજે કરી લીધા છે.

શહેરના ગોકુલનગર નજીક ખોડીયારનગર વિસ્તારમાં જાહેર રોડ પર પેટ્રોલિંગ દરમિયાન પોલીસને એક યુવક શંકાસ્પદ હાલતમાં જોવા મળ્યો હતો. તપાસ કરતા તેની પાસેની ટી.વી.એસ. જ્યુપિટર માંથી બિનપરમીટ અંગ્રેજી દારૂ મળી આવ્યો હતો.

પકડાયેલા આરોપી દીપક રમેશભાઈ ધંધુકીયા (ઉંમર 19 વર્ષ, રહે. ગોકુલનગર, જામનગર) પાસે થી ઇંગ્લિશ દારૂની 4 બોટલ (કિંમત રૂ. 1,014) મળી આવી હતી. ઉપરાંત બાઇક (કિંમત રૂ. 70,000) સાથે કુલ રૂ. 71,014નો મુદ્દામાલ કબજે કરી લેવામાં આવ્યો છે, અને તેની સામે પ્રોહિબિશન એક્ટની કલમ 65(એ), 116(બી), 98(2) હેઠળ ગુનો નોંધાયો છે.