9 વર્ષથી ચોરીના ગુનામાં ફરાર આરોપીને પોલીસે ઝડપી પાડ્યો

Bharuch Police : અંકલેશ્વર જી.આઇ.ડી.સી. પોલીસ મથકે નોંધાયેલ ચોરીના ગુનામાં પાછલા 9 વર્ષથી વોન્ટેડ આરોપીને પેરોલ ફર્લો સ્કોર્ડ ભરૂચની ટીમે ઝડપી પાડ્યો હતો.

પોલીસ મહાનિરીક્ષક સંદીપસિંહ વડોદરા તથા જિલ્લા પોલીસ વડા અક્ષય રાજએ પેરોલ, ફર્લો જમ્પ આરોપી તથા વોન્ટેડ આરોપીઓને પકડવા અંગે ખાસ સુચનાઓ આપી છે. જે અનુસંધાને ભરૂચ પેરોલ ફર્લો સ્કોર્ડની ટીમ અંકલેશ્વર જી.આઇ.ડી.સી. પોલીસ મથક હદ વિસ્તારમાં પેટ્રોલીંગમાં હતી. તે સમયે બાતમી , હ્યુમન સોર્સ અને ટેકનિકલ સર્વેલન્સ આધારે અંકલેશ્વર જી.આઇ.ડી.સી. પોલીસ મથકે નોંધાયેલ ચોરીના ગુનામાં ફરાર વિનુભાઇ દુલીયાભાઇ ભીલાલા (રહે-મધ્ય પ્રદેશ) ને અંકલેશ્વર જી.આઇ.ડી.સી.ગોલ્ડન પોઇન્ટ ખાતેથી ઝડપી પાડી આગળની કાર્યવાહી કરવા માટે અંકલેશ્વર જી.આઇ.ડી.સી. પોલીસ સ્ટેશનને આરોપીનો કબજો સોપ્યો હતો.