નડિયાદમાં દબાણ હટાવતી વખતે જમીનમાંથી દેશી દારૂના પીપ મળ્યા

- વરસાદી કાંસ પરથી બીજા દિવસે પણ દબાણો દૂર

- ખાડ વિસ્તારમાંથી પકડાયેલા દેશી દારૂનો 400 લિટર વૉશ જપ્ત કરી મહિલા વિરૂદ્ધ ગુનો

નડિયાદ મનપાએ વરસાદી કાંસની સફાઈ માટે દબાણો હટાવવાનું શરૂ કર્યું છે. નડિયાદમાંથી પસાર થતી મુખ્ય કાંસ કમળા તરફથી લઈને શહેરના છેડાના ખાડની કાંસ પર બંધાયેલા નાના- મોટા દબાણો, શૌચાલતો સહિતના દબાણો ગુરૂવારે તોડી પાડયા હતા. 

ત્યારે આજે મનપાએ કામગીરી ચાલુ રાખી હતી. જેમાં સિટી જીમખાના પાછળ કાચા- પાકા દબાણો દૂર કરાયા હતા. દબાણ દૂર કરતી વખતે જમીનમાં દબાવેલા પીપ મળ્યા હતા. પોલીસે તપાસ કરતા દેશી દારૂ બનાવવાનો વૉશ હોવાનું ખૂલ્યું હતું. 

નજીકમાં ઉભેલી શકમંદ મહિલાની પૂછપરછ કરતા કાંતાબેન તે રમણભાઈ તળપદાની વિધવા હોવાનું જણાવ્યું હતું. પોલીસે ૧૦ હજારની કિંમતનો દેશી દારૂનો ૪૦૦ લિટર વૉશ જપ્ત કરી મહિલા સામે ગુનો દાખલ કર્યો હતો.