- ધોળકાના નાની બોરુમાં કૂતરાએ બાળકને બચકાં ભરી લેતે ગંભીર ઇજા
ધોળકા : ધોળકા તાલુકાના નાનીબોરૂ ગામમાં કૂતરાને વેફર ખવડાવવા ગયેલા ૧૧ વર્ષના બાળક પર હુમલો કરી બચકાં ભરી લીધા હતા. બાળકને ગંભીર ઇજાઓ પહોંચતા તેને તાત્કાલિક સારવાર અર્થે અમદાવાદની સોલા સિવિલ હોસ્પિટલમાં ખસેડવામાં આવ્યો છે.
નાનીબોરૂ ગામનો એક ૧૧ વર્ષનો બાળક રમત-રમતમાં કૂતરાને વેફર ખવડાવી રહ્યો હતો. આ દરમિયાન અચાનક કૂતરાએ બાળક પર હુમલો કર્યો અને તેના ડાબા હાથ પર બે જગ્યાએ બટકા ભરી લીધા હતા. હુમલાના કારણે બાળકના હાથમાંથી લોહી નીકળવા લાગ્યું હતું. ઇજાગ્રસ્ત બાળકને વટામણ પ્રાથમિક આરોગ્ય કેન્દ્રમાં પ્રાથમિક સારવાર આપ્યા બાદ વધુ સારવાર માટે ધોળકા સામુહિક આરોગ્ય કેન્દ્ર લઇ જવામાં આવ્યો હતો અને ત્યાર બાદ અમદાવાદ સોલા સિવિલ હોસ્પિટલમાં રીફર કરવામાં આવ્યો છે. ?આ બનાવથી સ્થાનિક વાલીઓમાં ભારે રોષ ફેલાયો છે.
