રાજુલામાં લવ જેહાદનો કિસ્સો? હિન્દુ યુવતીએ મુસ્લિમ યુવક સાથે લગ્ન કરતા વિવાદ, કપલે વીડિયો જાહેર કરીને જુઓ શું કહ્યું

Amreli News : અમદાવાદમાં છેલ્લા એક અઠવાડિયામાં લવ જેહાદની ત્રણ ફરિયાદ નોંધાઈ હોવાની ઘટના સામે આવી હતી, જેમાં પોક્સો કેસમાં પોલીસે 3 વિધર્મીને ઝડપી પાડ્યા હતા, ત્યારે હવે અમરેલીના રાજુલામાં ગુમ થયેલી હિન્દુ યુવતીએ વીડિયો જાહેર કરી મુસ્લિમ યુવક સાથે લગ્ન કર્યા હોવાની કબૂલાત કરતાં વિવાદ સર્જાયો છે. 

હિન્દુ યુવતીએ મુસ્લિમ યુવક સાથે લગ્ન કરતા વિવાદ

મળતી માહિતી મુજબ, રાજુલાની યુવતી 10 દિવસ પહેલા સુરતમાં બ્યુટી પાર્લરનો કોર્સ કરવાના બહાને ઘરેથી નીકળી હતી. જો કે, થોડા દિવસમાં દીકરીનો સંપર્ક ન થતાં અંતે પરિવારે પોલીસમાં દીકરી ગુમ થયાની ફરિયાદ નોંધાવી હતી. 

સમગ્ર મામલે પોલીસ તપાસ ચાલી રહી હતી, ત્યારે આ બધા વચ્ચે યુવતીએ તેના પ્રેમ સાથેનો એક વીડિયો જાહેર કર્યો હતો. જેમાં યુવતી કોઈ પણ પ્રકારના દબાણ વગર યુવક સાથે લગ્ન કર્યા હોવાનું જણાવે છે.

વીડિયોમાં યુવતી જણાવે છે કે, 'મે મારી મરજીથી લગ્ન કરી લીધા છે. આમ જો મને કે મારા પતિ અને સાસરિયા પક્ષને કાઈ પણ થશે તો તેની જવાબદારી મારા પરિવારની રહેશે.'

આ પણ વાંચો: 10 વર્ષના લગ્નજીવન બાદ પતિની વિકૃત માનસિકતા સામે આવી, કંટાળીને પરિણીતાનો નદીમાં કૂદવાનો પ્રયાસ, અભયમની ટીમે ઉગારી

સમગ્ર મામલે પોલીસ દ્વારા વીડિયોના આધારે આગળની કાર્યવાહી હાથ ધરી છે. તેમજ યુવતીના નિવેદન લેવા માટે તજવીજ હાથ ધરી છે. જ્યારે લવ જેહાદની ઘટનાઓ સામે આવી રહી છે, જ્યારે રાજુલાના કિસ્સામાં હિંદુ સંગઠનોમાં મિશ્ર પ્રતિસાદ જોવા મળી રહ્યો છે.