સગીરાને લઇ ભાગી ગયેલો આરોપી મોરબી જિલ્લામાંથી ઝડપાયો

7 મહિના પહેલા  જંબુસરના એક ગામેથી  : બંનેનું મેડિકલ પરીક્ષણ કરાયું,: સગીરા ગર્ભવતી હોવાનો પ્રાથમિક મેડિકલ રિપોર્ટમાં જણાયું

ભરૂચ  : ભરૂચ જિલ્લાના જંબુસર તાલુકાના એક ગામની સગીરાને યુવક ભગાડી લઈ જઈ તેની સાથે વારંવાર દુષ્કર્મ આચરતા આખરે સાત મહિના બાદ બંને ઝડપાઈ જતાં નરાધમ સામે બળાત્કાર, પોકસો અને અપહરણનો ગુનો દાખલ કરાયો છે.

 જંબુસર તાલુકા એક ગામેથી છેલ્લા સાત મહિનાથી સગીરા ગુમ હતી.તેને જગદીશ બિજલ વાઘેલા (ઉ.વ. 26) ભગાડી ગયો હોય તેવી પ્રાથિમક તપાસના માટે પોલીસે સગીરા ગુમ થઈ હોવાની ફરિયાદ નોંધાયા બાદ પોલીસે સગીરા અને યુવકનું પગેરૂ મેળવવા માટે મોબાઈલ સીડીઆર તથા લોકેશનો ચેક કરી તપાસ કરી હતી.પોલીસે બાતમીના આધારે મોરબી જિલ્લામાં તપાસ કરતાં બંને મળી આવતાં આરોપી જગદીશ બિજલ વાઘેલા અને સગીરાને ભગાડી જતાં બંનેેના મેડીકલ પરીક્ષણ કરાવતાં આખરે સગીરાના પેટમાં ગર્ભ હોવાનું અને દુષ્કર્મનો ભોગ થકી પ્રાથમિક દ્રષ્ટિએ ગર્ભ હોવાનું મેડીકલમાં સામે આવ્યુ છે.આખરે સગીરાના પેટમાં રહેલો ગર્ભ કેટલા મહિના અને દિવસનો છે તેના માટે સોનોગ્રાફી સહીતની મેડીકલ પ્રક્રિયા કરી રહ્યા છે.ઝડપાયેલા દુષ્કર્મી જગદીશ વાઘેલાની ધરપકડ કરી તેની સામે બળાત્કાર ,પોક્સો ,અપહરણ સહિત બી એન એસની કલમ હેઠળ ગુનો દાખલ કરી તપાસ હાથ ધરી છે.જે જગ્યાએ દુષ્કર્મ કર્યુ હોય તે જગ્યાના પંચનામા સહિતની કાર્યવાહી કરવાની કવાયત કરી છે.મળતી માહિતી મુજબ સગીરાને ભગાડી લઇ જઇ વારંવાર દુષ્કર્મ કરતા સગીરા ગર્ભવતી બનતા સગીરા હાલ 15 વર્ષની હોવાનું અને ધો-8 પાસ કર્યુ છે.