Tharad SDM Accident : વાવ-થરાદ હાઈવે પર સબ ડિવિઝનલ મેજિસ્ટ્રેટ (SDM)ની કારને અકસ્માત નડ્યો હતો. હાઇવે પર ચારડા ગામ નજીક આજે સોમવારે (10 નવેમ્બર) થરાદના SDMની કાર અને એક જીપ વચ્ચે અકસ્માત સર્જાયો હતો. અકસ્માતના બનાવમાં SDM, કારચાલક અને જીપમાં સવાર બે લોકોને ઈજા પહોંચતા તાત્કાલિક સારવાર માટે હોસ્પિટલ ખસેડવામાં આવ્યા હતા.
વાવ-થરાદ હાઈવે પર SDMની કાર અને એક જીપ વચ્ચે અકસ્માત
મળતી માહિતી મુજબ, થરાદના SDM સાજણ મેર થરાદથી વાવ તરફ જઈ રહ્યા હતા, ત્યારે તેમની કાર એક જીપ વચ્ચે ટક્કર થતાં અકસ્માત સર્જાયો હતો. જેમાં કુલ ચાર લોકોને ઈજાગ્રસ્ત થતાં થરાદની ખાનગી હોસ્પિટલમાં સારવાર માટે મોકલવામાં આવ્યા હતા.
આ પણ વાંચો: નાસિક નજીક ટ્રક પાછળ કાર ધડાકાભેર ઘૂસી જતાં અકસ્માત: બે ગુજરાતીઓના મોત, ચારને ઇજા
અકસ્માતના બનાવમાં SDM અધિકારી ઈજાગ્રસ્ત થતાં જિલ્લા કલેક્ટર સહિતના ઉચ્ચ અધિકારીઓ હોસ્પિટલ પહોંચ્યા હતા. પોલીસે અકસ્માતનો ગુનો નોંધીને કયા કારણોસર અકસ્માત સર્જાયો તેને લઈને આગળની કાર્યવાહી હાથ ધરી છે.
