નડિયાદના સુરા શામળનો શખ્સ બે બાઈક સાથે ઝડપાયો

વાહન ચોરીનો ભેદ ઉકેલાયો 

શખ્સે અલીન્દ્રા અને ખેડા વેદ હોસ્પિટલ આગળથી ચોરી કર્યાની કબૂલાત કરી

ખેડા એલસીબી સ્ટેશન વિસ્તારમાં પેટ્રોલિંગમાં હતી. આ દરમિયાન પોલીસને બાતમી મળી હતી કે, નડિયાદ તાલુકાના સુરા શામળ ઇન્દિરા નગરીમાં રહેતા જયદીપસિંહ પ્રવિણસિંહ વાઘેલાએ બે મોટરસાયકલ પોતાના ઘર પાસે સંતાડી રાખેલા છે. જેથી પોલીસે રેડ પાડતા મળી આવેલા શખ્સની પૂછપરછ કરતા શખ્સે જયદીપસિંહ વાઘેલા હોવાની ઓળખ આપી હતી. પોલીસે તેના ઘર પાછળથી મળેલા બે મોટરસાયકલના દસ્તાવેજો અને પુરાવા માંગતા તેના દસ્તાવેજો રજૂ કરી શક્યો ન હતો કે સંતોષકારક જવાબ આપી શક્યો ના હતો. પોલીસે કડકાઈથી પૂછપરછ કરતા શખ્સે એક મોટર સાયકલ ૨૦ દિવસ પહેલા અલીન્દ્રાથી જ્યારે બીજુ મોટરસાયકલ ખેડા વેદ હોસ્પિટલ આગળથી ૩ મહિના પહેલા ચોરી કરી હોવાની કબૂલાત કરી હતી. આમ એલસીબી ખેડા પોલીસે ચકલાસી અને ખેડા ટાઉન પોલીસમાં નોંધાયેલ વાહન ચોરીના બે ગુના ઉકેલ્યા હતા.