જુવારના વાવેતર વચ્ચે છૂપાવેલી દારૂની 72 બોટલ ઝડપાઈ

પાળિયાદ પોલીસ મથકમાં ગુનો નોંધાયો

પીપળીળા ગામના વાડી વિસ્તારમાંથી પોલીસે રૂ.40,464નો મુદ્દામાલ કબ્જે લીધો

બોટાદના પીપળીયાથી કૃષ્ણનગર રોડ પર પાણીની ટાંકી સામે આવેલી પોતાની વાડીમાં હરદીપ કનુભાઈ ખાચરે જુવારના વાવેતરમાં દારૂનો જથ્થો છૂપાવ્યો હોવાની પાળિયાદ પોલીસને બાતમી મળી હતી જેના આધારે પોલીસે ગત મોડી રાત્રિના સુમારે દરોડો પાડયો હતો જો કે, દરોડા દરમિયાન વાડીએ કોઈ હાજર મળી આવ્યું નહોતું પરંતુ હરદીપ કનુભાઈ ખાચરની વાડીમાં ઉગારેલા જુવારના પાક વચ્ચે રાખેલા ખાખી રંગના બોક્સમાંથી રૂ.૪૦,૪૬૪ની કિંમતની ભારતીય બનાવટની વિદેશી દારૂની કુલ ૭૨ બોટલ મળી આવી હતી. આ અંગે બોટાદ પોલીસે હરદીપ કનુભાઈ ખાચર (રહે.પીપળીયા, તા.જી.બોટાદ) વિરૂદ્ધ ગુનો નોંધી આગળની તપાસ હાથ ધરી છે.