વડોદરા વકીલ મંડળની તા. ૧૯ ડિસેમ્બરે યોજાનાર ચૂંટણી માટેની ૪૫૧૫ વકીલોની મતદાર યાદી આજે મુખ્ય ચૂંટણી અધિકારી દ્વારા જારી કરવામાં આવી છે. ગત વર્ષની ચૂંટણીમાં ૩૮૪પ મતદારો હતા.
ગુજરાત બાર કાઉન્સિલ વન બાર વન વોટના અનુસંધાને મતદાર યાદી જાહેર થતી હોય છે. ચૂંટણી દરમિયાન ઉમેદવારો મતદારોનો સંપર્ક કરે ત્યારે કેટલાક કિસ્સામાં મતદારનું અન્ય શહેર-જિલ્લામાં મતદાન હોવાનું સામે આવતા વિવાદ સર્જાતો હોય છે અને મતદાર યાદીની ચકાસણીની માગ ઉઠે છે. આ અંગે મુખ્ય ચૂંટણી અધિકારી અલકા જાધવનું કહેવું છે કે, કોઈ મતદાર મતદાનથી વંચિત ન રહે તે માટે પ્રથમવાર માત્ર પ ટકા ઉમેદવારોને બાદ કરતા તમામ મતદારોના મોબાઈલ નંબર સાથેની યાદી જાહેર કરાઈ છે. પ્રોવિઝનલ મતદાર યાદીમાં આ અંગે તકેદારી રાખ્યા બાદ મતદાર યાદી અંગે કોઈ વાંધો રજૂન થતા આજે ફાઈનલ યાદી જાહેર કરી છે.
વડોદરા વકીલ મંડળની ચૂંટણી તા. ૧૯ ડિસેમ્બરના રોજ યોજાશે. ચૂંટણીના જાહેરનામા પ્રમાણે તા.૧ ડિસેમ્બરથી ફોર્મ ભરવાની શરુઆત થશે. તા.૫ ડિસેમ્બર સુધી ફોર્મ સ્વીકારાશે અને તા.૯ ડિસેમ્બર સુધીમાં ઉમેદવાર ફોર્મ પરત ખેંચી શકશે. તા.૧૦ ડિસેમ્બરે ઉમેદવારોની ફાઇનલ યાદી જાહેર થયા બાદ તા.૧૯ ડિસેમ્બરે સવારના ૧૦ થી સાંજના પ વાગ્યા સુધી મતદાન થશે.
