વિદેશી દારૂનો જથ્થો ભરેલી કાર સાથે 3 શખ્સ ઝબ્બે

- ગઢડા તાલુકાના મોટા ઉમરડા ગામ નજીકથી

- બોટાદ લોકલ ક્રાઈમ બ્રાન્ચે વિદેશી દારૂ, કાર, મોબાઈલ મળી કુલ રૂ. 3.99 લાખનો મુદ્દામાલ કબજે લીધો 

બોટાદ લોકલ ક્રાઈમ બ્રાન્ચનો સ્ટાફ પેટ્રોલિંગ કરી રહ્યો હતો તે દરમિયાન બાતમી મળી હતી કે, ત્રણ શખ્સ કાર નંબર જીજે ૦૧ એચકે ૮૪૩૦ માં વિદેશી દારૂનો જથ્થો ભરીને ઢસા તરફ આવનાર છે.જે બાતમીના આધારે બોટાદ લોકલ ક્રાઈમ બ્રાન્ચના સ્ટાફે ગઢડા તાલુકાના મોટા ઉમરડા ગામ નજીક વોચ ગોઠવી ત્યારે સામેથી આવી રહેલ કારને અટકાવી તલાશી લેતા વિદેશી દારૂની ૩૭૨ રૂ.૯૩,૦૦૦ ની મળી આવતા કારમાં સવાર આસીફ ઉર્ફે બારનંબર અજીતભાઇ ઉર્ફે ગજાભાઈ નરાસડા ( રહે.બોટાદ ),જયેશ જગજીવનભાઈ જાદવ ( રહે.બોટાદ પાંચપડા ), જયેશ ઉર્ફે મુન્નો કલ્યાણભાઈ ગઢાદરા ( રહે.બોટાદ પોસ્ટોફિસની બાજુમાં ) ને વિદેશી દારૂ ,કાર,મોબાઈલ મળી કુલ રૂ.૩,૯૯,૦૦૦ ના મુદામાલ સાથે ધરપકડ કરી તેના વિરૂધ્ધ ઢસા પોલીસ મથકમાં ગુનો નોંધી વધુ તપાસ હાથ ધરી છે.