જામનગર શહેર અને તાલુકામાં જુગારના ચાર દરોડામાં 4 મહિલા સહિત 24 ઝડપાયા

Jamnagar Gambling Raid : જામનગર શહેર તેમજ તાલુકામાં પોલીસે શ્રાવણી જુગાર પર ઘોષ બોલાવી છે. ત્યારે ગઈકાલે જુગાર અંગે વધુ ચાર દરોડા પાડ્યાં હતાં. જેમાં સૂર્યપરાગામ, સપડા ગામ, સિક્કા ગામ અને જામનગર શહેરમાં મહાદેવનગર વિસ્તારમાં દરોડા પાડી ચાર મહિલા સહિત 24 જુગારીઓને ઝડપી પાડી એક લાખ ઉપરાંતનો મુદ્દામાલ કબ્જે કરી તમામ સામે કાયદેસરની કાર્યવાહી હાથ ધરી છે.

જામનગર તાલુકાના સૂર્યપરાગામની ઉગમણી સીમમાં નદીના વોકળામાં જાહેરમાં જુગાર રમી રહેલાં અનવરભાઇ મહમદભાઇ સપડીયા, રાજેન્દ્રભાઇ મંનસારામ પંડયા, કાળુભાઇ જાદાભાઇ પડસાળીયા, રાજેન્દ્રસિંહ છત્રસિંહ જાડેજા અને વિક્રમભાઇ લાખાભાઇ મકવાણા નામના પાંચ શખ્સોને રંગેહાથ ઝપડી લઈ તેઓના કબ્જામાંથી રૂ.42000 ની રોકડ સહિત કુલ રૂ.54,200 નો મુદ્દામાલ કબ્જે કર્યો છે.

આ ઉપરાંત સપડા ગામે જાહેરમાં જુગાર રમી રહેલાં રાજભા ગગુભા જાડેજા, વનરાજસિંહ મોહબતસિંહ જાડેજા, બહાદુરસિંહ ગગુભા જાડેજા, જગદીશભાઇ રમણીકભાઇ ચોવટીયા, યુવરાજસિંહ બહાદુરસિંહ જાડેજા, અનિરૂધ્ધસિંહ મનુભા જાડેજા, રવીન્દ્રસિંહ નવલસિંહ પરમાર, કુપાલસિંહ જયેન્દ્રસિંહ જાડેજા નામના આઠ પંટરોને ઝડપી લઇ તમામ પાસેથી રૂ.36440 ની રોકડ રકમ સહિત કુલ રૂ.43449 નો મુદ્દામાલ કબ્જે કરી આગળની કાર્યવાહી હાથ ધરી છે.

જ્યારે શહેરના મહાદેવનગર પાણીના ટાંકા પાસે જાહેરમાં જુગાર રમી રહેલાં આશીષભાઇ દયાશંકરભાઇ પંડીયા, નંદસિંઘ બજરંગસિંઘ રાઠોડ, ભાવિશાબેન સુનીલભાઇ ધીરજલાલ, નીમુબેન ભગવાનજીભાઇ મોરારજીભાઇ ભોગાયતા જાતે બ્રામણ, જામનગર), લાભુબેન રમણીકભાઇ રાજ્યગુરૂ, દીવ્યાબેન વિશાલસિંહ જાડેજા નામના ચાર મહિલા સહિત છ જુગારીઓને રૂ.6310 ની રોકડ સાથે ઝડપી લીધા હતાં.

ઉપરણ સિક્કાના કારાભુંગા વિસ્તારમાં બાબાસાહેબ આંબેડકરના પૂતળાની આગળ ગલીમાં જાહેરમાં જુગટું રમી રહેલાં નરેશભાઇ માધાભાઇ પરમાર, ભાવેશભાઇ ધિરજભાઇ ડોડીયા, ભરત ઇશ્વરભાઇ સાગઠીયા, અશોકભાઇ લાલજીભાઇ પરમાર, ભગીરથસિંહ રઘુવિરસિંહ જાડેજા નામના પાંચ જુગારીઓને રૂ.2610 ની રોકડ સાથે ઝડપી લઇ આગળની તપાસ હાથ ધરી છે.