ભાવનગરમાં 8 માસમાં હત્યાના 22 બનાવો બન્યા

- ભાવનગર શહેર જિલ્લામાં કાયદોવ્યવસ્થા કથળી

- છેલ્લા 8 માસમાં કુલ 1415 લોકો હથિયાર સાથે ઝડપાયા

ભાવનગર શહેર અને જિલ્લામાં છેલ્લા દિવસોમાં વધી રહેલા હત્યાના બનાવોએ કાયદો અને વ્યવસ્થાની પરિસ્થિતિ પર પ્રશ્નો - ઉઠી રહ્યાં છે. હત્યાના બનાવોના આંકડા પ્રમાણે છેલ્લા ૮ માસના શહેર-જિલ્લામાં હત્યાના કુલ ૨૨ બનાવો બન્યા છે. જેમાં અડધા એટલે કે હત્યાના ૯ બનાવો તો છેલ્લા બે માસમાં જ બન્યા છે. કલા અને સંસ્કારની નગરી તરીકે ઓળખાતા ભાવનગર શહેર અને જિલ્લામાં ક્રાઈમરેટ વધી રહ્યો હોય તેમ છેલ્લા થોડાં દિવસોમાં શહેર-જિલ્લામાં વધી રહેલા હત્યાના બનાવોએ કાયદો અને વ્યવસ્થાની સ્થિતિ ૫૨ સવાલ ઉઠાવ્યા છે. ચાલુ વર્ષ-૨૦૨૫ના છેલ્લા ૮ માસમાં ભાવનગર શહેર અને જિલ્લામાં હત્યાના કુલ ૨૨ બનાવો બન્યા છે. જાન્યુઆરીથી જુલાઈ માસ દરમિયાન મે મહિનામાં સૌથી વધારે હત્યાના પાંચ બનાવો બન્યા હતા. ચાલુ માસ આગસ્ટના પ્રથમ સપ્તાહમાં હત્યાના બે બનાવો બન્યા છે. જેમાં ગતરોજ પૈસાની લેતી દેતી મામલે શહેરમાં વૃધ્ધની હત્યા કરી દેવામાં આવી હતી. તેમજ ગત તા.૨ ઓગસ્ટના રોજ તળાજાના શેળાવદર ગામે પતિએ પત્નીની હત્યા કરી દીધાનો ચકચારી બનાવ બન્યો હતો. ઉપરાંત ભાવનગર શહેર અને જિલ્લામાં શરીર સંબંધિત ગુનાઓનું પ્રમાણ પણ વધારે જોવા મળે છે. શરીર સંબંધીત ગુનાઓને અંજામ આપવા માટે હથિયારોની ઉપયોગ થતો હોય છે. તેવી સ્થિતિમાં પોલીસ દ્વારા છરીથી લઈને બંદુક સહિતના હથિયારો સાથે ફરતા ઈસમોને ઝડપીને જીવી એક્ટ-૧૩૫ મુજબ ગુનો નોંધી કાર્યવાહી કરવામાં આવે છે. ભાવનગરમાં ચાલુ વર્ષે જાન્યુઆરીથી ઓગસ્ટ સુધીના છેલ્લા ૮ માસમાં શહેર જિલ્લાના જુદાં-જુદા પોલીસ પથકોમાં આવા કુલ ૧૪૧૫ કેસ નોંધવામાં આવ્યા છે. છેલ્લ આંઠ માસમાં મે મહિનામાં સૌથી વધારે ૩૬૬ હથિયારો તથા સૌથી ઓછા ફેબ્આરીમાં ૮૬ હથિયારો સાથે ઝડપાયાના કેસ નોંધવામાં આવ્યા છે.

વર્ષ 2024 માં હત્યાના બનાવનું સરવૈયું

વર્ષ 2025 માં હત્યાના બનાવનું સરવૈયું

વર્ષ 2-25 માં પકડાયેલા હથિયારોનું સરવૈયું