લ્યો બોલો ! આવતા વર્ષે પણ રહેશે પડતર દિવસ, 20 ઑક્ટોબરે દિવાળી-22મીએ બેસતું વર્ષ

New Year And Diwali 2025 Date: દિવાળી બાદ પડતર દિવસની પળોજણ આવતા વર્ષે પણ જોવા મળશે. વિક્રમ સંવત 2081માં 20 ઑક્ટોબર-સોમવારે દિવાળી, 21મીએ પડતર દિવસ જ્યારે 22 ઑક્ટોબર-બુધવારના દિવસે બેસતું વર્ષ છે. અગાઉ વર્ષ 2023માં પણ પડતર દિવસ હતો.

પડતર દિવસ અંગે શાસ્ત્રવિદોનું માનવું છે કે ચંદ્રની કળાઓ 30 ભાગમાં વહેંચાયેલી છે. જ્યારે હકીકતમાં ચંદ્ર 30 કળાઓને 30 દિવસ કરતાં ઓછા સમયમાં પૂર્ણ કરી લે છે. આથી દર મહિને પંચાંગમાં એકાદ તિથિનો ક્ષય કે વૃદ્ધિ થતી જોવા મળે છે. વ્યવહારિક સરળતા ખાતર ચંદ્રની તિથિ સૂર્યોદય સમયે જે હોય તેને આખા દિવસ માટે ગણી લેવામાં આવે છે. દિવસ દરમ્યાન તિથિ બદલાઈ જતી હોય તેવું પણ શક્ય છે.

આ પણ વાંચો: કેવી રીતે શરૂ થઈ દિવાળી ઉજવવાની પરંપરા, જાણો પૌરાણિક કારણ અને ચારેય યુગની કથા

ધોકાને દિવસે સૂર્યોદય સમયે હજુ અમાસ હોય છે અને નવા વર્ષની પહેલી તિથિ શરુ થઈ નથી હોતી. નવા વર્ષની શરુઆત તો સવારે દેવ- દર્શનથી જ થવી જોઈએ એવી માન્યતાને લીધે એ તુરત જ પછીના દિવસે સવારે પહેલી તિથિ ચાલુ હોય એ દિવસને નવા વરસનો પહેલો દિવસ ગણવામાં આવે છે. આમ બે વરસની વચ્ચે બેમાંથી એક પણ વરસનો ભાગ ન હોય એવો એક દિવસ ક્યારેક આવી જાય છે.