ભાયલીમાં ઘરના નોકરે રૃા.૨૦ લાખ રોકડની ઉઠાંતરી કરી

વડોદરા, તા.9 ભાયલીમાં રહેતા વેપારીના ઘરની ચાવી ચોરી બેડરૃમના કબાટના લોકરમાંથી રૃા.૨૦ લાખની તબક્કાવાર ચોરી ઘરનું કામ કરતા યુવાને કરી  હતી.

ભાયલીમાં નવરચના યુનિવર્સિટી સામે રહેતા નિલેશ મદનલાલ ગુપ્તાએ તાલુકા પોલીસ સ્ટેશનમાં જગદીશ ઉર્ફે વિપુલ દેવજીભાઇ વસાવા (રહે.મઘુવનનગર, વાઘોડિયારોડ) સામે નોધાવેલી ફરિયાદમાં જણાવ્યું છે કે હું બાથરૃમ ફિટિંગ તેમજ તેને લગતું કામકાજ કરું છું. મારા માતા-પિતા જે.પી.રોડ પર અમી સોસાયટીમાં રહે છે ત્યાં ઘરકામ માટે જગદીશ ઉર્ફે વિપુલ ઘરકામ માટે રૃા.૧૦ હજારના પગારથી રાખ્યા હતા અને તે સર્વન્ટ ક્વાર્ટરમાં જ રહેતો હતો.

મારા ઘેર પણ કામકાજ માટે તે આવતો  હતો. તા.૯ ફેબુ્રઆરીના રોજ મારી પત્નીનો ઘરની ચાવીનો સેટ ગેરવલ્લે થયો હતો અને ત્યારથી બેડરૃમના કબાટના લોકરના ડ્રોઅરમાંથી રોકડ રકમ ઓછી થતી  હતી. ૧૫ દિવસ પહેલાં ઘરમાં લગાવેલા સીસીટીવી ચેક કરતા જાણવા મળ્યું  હતું કે જગદીશ ઘરનું કામ કરીને બહાર નીકળે ત્યારે તેના પેન્ટનું ખિસ્સું ભરેલું જણાતું હતું. બાદમાં તેના પર શંકા જતા વિશ્વાસમાં લઇ પૂછપરછ કરતાં તેણે કબૂલાત કરી હતી અને પોતાની પાસે સંતાડીને રાખેલ ચાવીના સેટ દ્વારા બેડરૃમમાંથી કુલ રૃા.૨૦ લાખ રોકડની ચોરી કરી હતી.