જામનગર પાલિકામાં 14 માંથી 13 મિલકત ધારકએ વેરો ભરપાઈ કરી આપતા હરારજી પ્રક્રિયા મોકૂફ

Jamnagar Corporation : જામનગર મહાનગરપાલિકા દ્વારા મિલકત વેરો ભરપાઈ નહિ કરનારની મિલકતો જપ્ત કરી તેની હરાજી કરવાની પ્રક્રિયા હાથ ધરતા જ 14 માંથી 13 મિલકત ધારક દ્વારા વેરો ભરપાઇ કરી આપવામાં આવતા હાલ હરરાજીની પ્રક્રિયા બંધ રાખવામાં આવી છે.

જામનગર મહાનગરપાલિકાની મિલકતવેરા શાખા દ્વારા કુલ - 14 મિલકતોની તા.23/03/2026નાં જાહેર હરાજી કરવા માટે જાહેર નોટીસ પ્રસિધ્ધ કરવામાં આવી  હતી.

પરંતુ તા.12/03/2026 ના રોજ આ 14 બાકીદારો પૈકી 13 બાકીદારો દ્વારા બાકી વેરાની રકમ ભરપાઈ કરી આપેલ હોય બાકી રહેતી 1 મિલકતની હરાજી હવે પછી બીજી મિલકતોની જાહેર હરાજી કરવામાં આવશે ત્યારે આ મિલકતોની હરાજી કરવા માટે કાર્યવાહી કરવામાં આવશે. આથી તા.23/03/2026ના રોજ રાખવામાં આવેલ જાહેર હરાજી રદ કરવામાં આવે છે. તેમ  જામનગર મહાનગરપાલિકાના આસી કમિશનર (ટેક્ષ) ની યાદીમાં જણાવાયું છે.