ખોડીયાર ગામમાંથી જુગાર રમતા ૧૧ શખ્સો પકડાયા

શ્રાવણ પહેલા ગ્રામ્ય વિસ્તારમાં જુગાર ધમધમ્યો

 શૈલેષ ઠાકોર એક દાવના ૨૦૦ રૃપિયા લઈને બહારથી જુગારીઓ બોલાવતો હોવાનું પણ બહાર આવ્યું હતું.

ગાંધીનગર :  ગાંધીનગર જિલ્લાના ગ્રામ્ય વિસ્તારોમાં જુગારની પ્રવૃત્તિ વધી રહી છે ત્યારે અડાલજ પોલીસે ખોડિયાર ગામના મકાનમાં દરોડો પાડીને ૧૧ જુગારીઓને ઝડપી પાડયા હતા. જેમની પાસેથી રોકડ સહિત ૧.૨૫ લાખ રૃપિયાનો મુદ્દામાલ જપ્ત કરીને પોલીસે ગુનો દાખલ કરી વધુ તપાસ હાથ ધરી હતી.

દાવના ૨૦૦ રૃપિયા લઈને ગામનો શખ્સ બહારથી જુગારીઓને બોલાવતો ઃ ૧.૨૫ લાખનો મુદ્દામાલ જપ્ત

આમ તો શ્રાવણ મહિનામાં જુગારની પ્રવૃત્તિ વધારે જોવા મળતી હોય છે પરંતુ ગાંધીનગર જિલ્લામાં શ્રાવણ પહેલા જ ગ્રામ્ય વિસ્તારમાં જુગાર ધમધમની ઉઠયો છે. આ સ્થિતિમાં અડાલજ પોલીસની ટીમ પેટ્રોલિંગમાં હતી તે સમયે બાતમી મળી હતી કે શૈલેષજી રામાજી ઠાકોર, રહે. ખોડિયાર ગામની સીમમાં આવેલા લીલાપુર રોડ નજીક લીલાધર ફાર્મની પાસે પોતાના બંધ મકાનમાં પૈસા વડે જુગાર રમાડી રહ્યો છે. જે બાતમીના પગલે પોલીસ ટીમે અહીં દરોડો પાડતા જુગારીઓમાં નાસભાગ મચી ગઈ હતી.

જોકે પોલીસે શૈલેષ રામાજી ઠાકોર સહિત ૧૧ જુગારીઓને જુગાર રમતા ઝડપી લીધા હતા. જેમાં ખોડીયાર ગામના વિષ્ણુભાઈ ભરતભાઇ દંતાણી,સંજયજી જ્યંતિજી ઠાકોર,સેધાજી સોમાજી ઠાકોર, અલ્પેશજી મંગાજી ઠાકોર, વિનુજી મણાજી ઠાકોર,ગોવિંદજી ચુંથાજી રાવળ,મુકેશજી નાનાજી ઠાકોર, વિષ્ણુજી જેસંગજી ઠાકોર, બળદેવજી ભીખાજી ઠાકોર અને લીલાપુર ગામના બાબુજી બેચરજી ઠાકોરનો સમાવેશ થાય છે પોલીસ છે જુગારીઓ પાસેથી રોકડ અને મોબાઈલ મળી કુલ ૧.૨૫ લાખ રૃપિયાનો મુદ્દામાંલ જપ્ત કરીને જુગારીઓ સામે જુગારધારા હેઠળ ગુનો દાખલ કરી વધુ તપાસ હાથ ધરી હતી.