મુળી અને લીંબડી તાલુકામાં 2 કલાકમાં 1 ઈંચ વરસાદ

- જિલ્લામાં 3 દિવસના વિરામ બાદ વરસાદી માહોલ

- સુરેન્દ્રનગર અને વઢવાણ શહેરી વિસ્તારમાં પણ વરસાદ પડતા ઠંડક પ્રસરી  

સમગ્ર રાજ્યમાં હવામાન વિભાગની આગાહીના પગલે વાતાવરણમાં પલટો આવ્યો છે. ત્યારે સુરેન્દ્રનગર અને વઢવાણ સહિતના શહેરી વિસ્તારો તેમજ આસપાસના ગામોમાં બપોર બાદ અસહ્ય ગરમી અને ઉકળાટ વચ્ચે ધોધમાર વરસાદ ખાબક્યો હતો જેમાં બપોરના ૨-૦૦ થી ૪-૦૦ વાગ્યા સુધીમાં વઢવાણ તાલુકામાં નોંધપાત્ર વરસાદ નોંધાયો હતો. જ્યારે જીલ્લાના મુળી અને લીંબડી તાલુકામાં પણ બે કલાકમાં અડધાથી ૧ ઈંચ જેટલો વરસાદ પડયો હતો. 

આ સિવાય જીલ્લાના અન્ય તાલુકાઓમાં પણ ઝરમરથી લઈ વરસાદી ઝાપટા પડયા હતા. બે થી ત્રણ દિવસના વિરામ બાદ ફરી સાર્વત્રિક વરસાદી માહોલ છાવઈ જતા લોકોએ ગરમીથી રાહત અનુભવી હતી તેમજ ખેડુતોના પાક માટે પણ ફાયદાકારક વરસાદ પડતા ખેડુતોમાં આનંદની લાગણી જોવા મળી હતી.