દરેક એક્ટરમાં ઓબ્ઝર્વેશન, ઇમેજિનેશન, સ્ટ્રેન્થ હોવી ખૂબ જરૂરી

એક ટૉક સિરીઝ અંતર્ગત થિયેટર ડાયરેક્ટર, રાઇટર સૌમ્ય જોશીએ કવિતા, નાટક, ફિલ્મ અને સાહિત્ય વિશે વાત કરી. જે યંગસ્ટર્સ થિયેટર શીખે છે, સ્ક્રિપ્ટ લખે છે અને કંઇક લખવા માંગે છે તેવા યંગસ્ટર્સ મોટી સંખ્યામાં આ ટૉક દરમિયાન હાજર રહ્યા હતા. સૌમ્ય જોશીએ સ્ક્રિપ્ટ રાઇટિંગ, મૂવી રાઇટિંગ અને પ્લે રાઇટિંગ કેવી રીતે કરવું તેમજ અમિતાભ બચ્ચન સાથે કામ કરવાના અનુભવ વિશે વાત કરી હતી. તેઓએ કહ્યું કે, સ્ક્રિપ્ટ ખૂબ મહત્વની છે કારણ કે તેમાં એક્ટરના હાવભાવ પણ દર્શાવવામાં આવે છે અને એક્ટર તે સ્ક્રિપ્ટને કેટલી પચાવી શકે છે તે જોવાનું હોય છે પછી ભલે  તે અમેરિકા હોય, મુંબઇ હોય કે અમદાવાદમાં હોય. ઘણા લોકો કહે છે કે આ પ્લે બોમ્બેનો છે, હું તે બાબતનો સખત વિરોધી છું કારણ કે નાટક પ્રેક્ષકોથી બને છે. એક રાઇટર તરીકે તમે જો તમારી જાતને તમારા લખાણથી ખુશ નથી કરી શકતા તો તે લખેલું ફાડી નાખો.

છ લાખ લોકો એક મહિનામાં થિયેટર જુએ છે

એક મહિનામાં ૬૫૦ શો ગુજરાતી જુએ છે. ઘણા લોકો પૂછી રહ્યા છે કે ટિકિટ ખર્ચીને જોવાય તેવા નાટકો કેમ ઓછા બની રહ્યા છે? પણ હાલ થિયેટરમાં માત્ર અદ્ભુત કન્ટેન્ટ જ ચાલી રહ્યો છે. હાલ છ લાખ લોકો એક મહિનામાં થિયેટર જુએ છે. હું જોવું છું તે ઘણી નાની નાની જગ્યાઓ પર ખુબ સારું કામ થઇ રહ્યું છે. થિયેટરમાં તમારે એક જ ઓડિયન્સને ટાર્ગેટ કરવાનો છે અને તે તમે પોતે છો. કેટલાક સીન લખતો હોવું ત્યારે પોતાની જાતને જ પ્રશ્ન પૂછતો હોવું છું.

યંગ આર્ટિસ્ટની ભાષા કરપ્ટ થઇ ગઇ છે

દરેક એક્ટરમાં ઓબ્ઝર્વેશન, ઇમેજિનેશન અને સ્ટ્રેન્થ હોવી ખૂબ જરૃરી છે પરંતુ અત્યારના યંગ એક્ટર્સની ભાષા કરપ્ટ થઇ ગઇ છે તેઓએ થિયેટર માટે પહેલાં પોતાની ભાષા પર પ્રભુત્વ મેળવવું જોઇએ. હાલ યંગસ્ટર્સની ગુજરાતી ભાષા ડેમેજ થઇ રહી છે. મને ઘણી વખત આશ્ચર્ય થાય કે રિશિ કપૂર અને અમિતાભ બચ્ચન દેવનાગરી વાંચી શકે છે પરંતુ યંગ આર્ટિસ્ટ ગુજરાતી પ્લે માટે પણ ઇંગ્લિશમાં સ્ક્રિપ્ટ માંગે છે.