એશિયામાં સૌથી વધુ સર્ચ કરાયેલા સેલેબ્સની યાદીમાં ઉર્ફી સૌથી વધુ સર્ચ કરાયેલી સેલિબ્રિટી બની

કિયારા અને સારાને ઉર્ફીએ છોડી પાછળ 

ઉર્ફી સૌથી વધુ સર્ચ કરાયેલી સેલિબ્રિટી બની ગઈ  

એશિયન લોકોની યાદીમાં ઉર્ફી 57માં નંબર પર 

મુંબઈ, તા. 16 ડિસેમ્બર 2022 શુક્રવાર

ઉર્ફી જાવેદ તેની 'અતરંગી' સ્ટાઈલ માટે જાણીતી છે. તેના વીડિયો સોશિયલ મીડિયા પર અવારનવાર વાયરલ થતા રહે છે. યુઝર્સ ક્યારેક તેમના કપડાના વખાણ કરે છે તો ક્યારેક તેમની ડ્રેસિંગ સેન્સ માટે તેમને ટ્રોલ કરે છે. ઉર્ફી પણ પોતાની ધૂનમાં જ રહે છે. ટ્રોલિંગથી તેમને બહુ ફરક પડતો નથી.

ઉર્ફીની આઉટ ઓફ ટચ સ્ટાઈલએ તેને સૌથી વધુ સર્ચ કરવામાં આવેલા એશિયન લોકોની યાદીમાં 57માં નંબર પર સ્થાન અપાવ્યું છે. હાલમાં જ આ વર્ષે સૌથી વધુ સર્ચ કરાયેલા એશિયન સેલેબ્સની યાદી બહાર પાડવામાં આવી છે. આ યાદીમાં ટીવી અભિનેત્રી ઉર્ફી જાવેદનું સ્થાન છે.

ઉર્ફી બોલિવૂડ અભિનેત્રી દિશા પટણી, કિયારા અડવાણી, જાન્હવી કપૂર અને સારા અલી ખાન જેવી ઘણી મોટી હસ્તીઓને પાછળ છોડવામાં સફળ રહી છે. આ પ્રથમ વખત નથી કે, ઉર્ફીએ આ સ્થાન હાંસલ કર્યું હોય. કારણ કે, તે એશિયામાં સૌથી વધુ સર્ચ કરાયેલા સેલેબ્સની યાદીમાં બે વાર સ્થાન મેળવી ચૂકી છે. જ્યારે ગૂગલની 'મોસ્ટ સર્ચ્ડ એશિયન વર્લ્ડવાઈડ 2022'ની યાદી બહાર પાડવામાં આવી હતી. ત્યારે બિટીએસના વી ઉર્ફે કિમ તાહ્યુંગે આ યાદીમાં પ્રથમ સ્થાન મેળવ્યું હતું. તે જ સમયે, તે જ ટીમના અન્ય સભ્ય જંગકુકે આ યાદીમાં બીજું સ્થાન મેળવ્યું.

આ યાદીમાં ચોથા નંબર પર ભારતની કેટરિના કૈફ છે. તેણે આલિયા ભટ્ટ અને દીપિકા પાદુકોણને પાછળ છોડી દીધી છે. આલિયા ભટ્ટ પાંચમા સ્થાને છે અને દીપિકા પાદુકોણ પણ આ વર્ષે ટોપ-5માં સ્થાન મેળવી શકી નથી.

ઉર્ફીને બિગ બોસ પછી ફેમ મળી હતી. અગાઉ ઉર્ફીએ ઘણા ટીવી શોમાં કામ કર્યું હતું. તે 'બડે ભૈયા કી દુલ્હનિયા'માં અવનીની ભૂમિકા ભજવવા માટે જાણીતી છે. તે 'મેરી દુર્ગા'માં આરતી, 'બેપન્નાહ'માં બેલા અને 'પંચ બીટ' સીઝન 2માં મીરા તરીકે પણ જોવા મળી હતી. હાલમાં, ઉર્ફી 'સ્પ્લિટ્સવિલા 4' માં સ્પર્ધક તરીકે જોવા મળે છે.