ઘરમાં જ દુર્ઘટનાનો શિકાર થયો અભિનેતા ટોની જર્મેનો, ગંભીર ઈજાઓ બાદ દર્દનાક મોત

Tony Germano Died : નિકેલોડિયન શોમાં તેમના વોઇસ પર્ફોર્મન્સ માટે જાણીતા બ્રાઝિલિયન અભિનેતા અને વોઇસ-ઓવર આર્ટિસ્ટ ટોની જર્મેનોનું 55 વર્ષની વયે દુઃખદ નિધન થયું છે. જર્મેનો તેમના સાઓ પાઉલો સ્થિત ઘરમાં રિનોવેશનનું કામ કરાવી રહ્યા હતા, તે દરમિયાન તેઓ અકસ્માતનો ભોગ બન્યા હતા.

કેવી રીતે મૃત્યુ પામ્યા? 

સ્થાનિક મીડિયા રિપોર્ટ્સ અનુસાર, રિનોવેશન કાર્ય દરમિયાન જર્મેનો પોતાનું સંતુલન ગુમાવી દીધું અને નીચે પડી ગયા હતા. આ અકસ્માતમાં તેમને હાડકાં અને પાંસળીઓની ગંભીર ઈજાઓ પહોંચી હતી. તેમના પ્રતિનિધિએ પુષ્ટિ કરી હતી કે તેઓ તેમની ઈજાઓમાંથી બહાર આવી શક્યા નહોતા અને આ દુનિયાને હંમેશ માટે અલવિદા કહી દીધું.

શા માટે પ્રખ્યાત હતા ટોની જર્મેનો? 

ટોની જર્મેનોએ 'નિક્કી, રિકી, ડિકી ઔર ડૉન' અને 'ગો, ડૉગ, ગો!' જેવા પ્રખ્યાત શોમાં અવાજ આપ્યો હતો. તેમના અન્ય નોંધપાત્ર કાર્યોમાં 'અસ નુપ્સિયાસ ડે ડ્રેક્યુલા' અને 'ધ મપેટ્સ' નો સમાવેશ થાય છે. બ્રાઝિલિયન અભિનેતા મિગુએલ ફલાબેલાએ તેમને શ્રદ્ધાંજલિ આપતાં તેમને "એક બેદાગ પ્રોફેશનલ, એક પ્રિય મિત્ર, એક પ્રતિભાશાળી અભિનેતા" ગણાવ્યા હતા.