Tarak Mehta and Sodhi News | ‘તારક મહેતા કા ઉલ્ટા ચશ્મા’ સિરિયલમાં અગાઉ સોઢીની ભૂમિકા ભજવી ચૂકેલા કલાકાર ગુરુચરણ સિંહ ચાર દિવસથી લાપતા હોવાનું જાણવા મળ્યું છે. ગુરુચરણ સિંહના પિતાએ પાલમ પોલીસ મથકમાં ફરિયાદ નોંધાવી હતી. આ ફરિયાદમાં કહેવાયું છે કે, ‘મારો પુત્ર 22મી એપ્રિલે દિલ્હીથી મુંબઈ જવા રવાના થયો હતો પણ ત્યાં પહોંચ્યો ન હતો. હવે આ મામલે પોલીસમાં IPC ની કલમ 365 હેઠળ FIR પણ નોંધવામાં આવી છે.’
ક્યાંથી ગુમ થયાની ફરિયાદ... ?
ગુરૂચરણ સિંહ આ કોમેડી સિરિયલમાં રોશનસિંહ સોઢીનું પાત્ર ભજવતા હતા. તે દિલ્હી એરપોર્ટથી ગુમ થયા હતા તેવું કહેવામાં આવે છે. આ અભિનેતાએ 2020માં સિરિયલ છોડી દીધી હતી. હવે તેમના ગુમ થવા મામલે પોલીસ ફરિયાદ થતાં તપાસ શરૂ કરી દેવામાં આવી છે.
