IMAGE: Twitter

અમદાવાદ, 25 જાન્યુઆરી 2023    

આખરે ભારે વિવાદો અને સેન્સર બોર્ડે સજેસ્ટ કરેલા અમુક સુધારા સાથે  આજે રીલીઝ થયેલી બહુચર્ચિત ફિલ્મ 'પઠાણ'ને  દેશભરમાંથી જબરદસ્ત પ્રતિસાદ મળ્યો છે. શાહરુખ ખાન , જ્હોન અબ્રાહમ અને દીપિકા પાદુકોણની ફિલ્મ 'પઠાણ' એક્શનથી ભરપુર લોજીક  વગરની થ્રીલર ફિલ્મ છે. શાહરુખ ખાન અને એક્શન ફીલ્મના ચાહકોને આ ફિલ્મ ભરપુર પૈસા વસુલ લાગશે ત્યારે ચાલો જાણીએ શાહરૂખ ખાનની 'પઠાણ' વિશે... 

146 મિનીટની આ ફિલ્મના એક્શન સીન્સ અને ડાયલોગ તમને છેક સુધી જકડી રાખશે, ફિલ્મમાં અમુક ડાયલોગ ખુબ જોરદાર છે પણ વાત કરીએ ઓવરઓલ વાર્તાની તો તે ક્યાંક નબળી પડતી દેખાય છે પણ તેના વિકલ્પમાં શાહરૂખ અને જ્હોનના ફાઈટ સીન્સ તમને બોર નહિ થવા દે, તમે શાહરુખને ટ્રેન પર પહેલા ડાન્સ કરતા જોયા છે આમાં તેમને ટ્રેન પર ફાઈટ કરતા જોશો. 

પઠાણ એક ફૂલ ઓન મસાલા ફિલ્મ છે જે એક કમર્શિયલ બ્લોકબસ્ટર સાબિત થશે પણ જો તમે સ્ટોરી કે લોજીકની આશા વગર જશો તો ખરેખર આ વિકેન્ડમાં મગજને પ્રફુલ્લિત કરી દે તેવી શાહરુખ ખાન અને એક્શન ફિલ્મના ચાહકો માટે એક વિઝ્યુઅલ ટ્રીટ છે અને હા, ફિલ્મનો એન્ડ જોવાનું ખાસ ચુકતા નહિ, ખુબ ઓછી વાર એવું બનતું હોય છે કે બે સુપરસ્ટાર એક સાથે સ્ક્રીન શેર કરતા જોવા મળે.   

પઠાણ હિન્દી ઉપરાંત તમિલ અને તેલુગુમાં પણ રીલીઝ થઇ છે, આ ફિલ્મ સિદ્ધાર્થ આનંદે ડીરેક્ટ કરી છે અને યશરાજ ફિલ્મ્સના બેનર હેઠળ 25 જાન્યુઆરીના રોજ દેશભરમાં રીલીઝ થઇ છે. 

આ ફિલ્મને તેની રિલીઝના પહેલા જ દિવસે ભારે વિરોધ બાદ ખાસ્સું મોટું ઓપનીંગ મળ્યું છે અને તેણે પહેલા જ દિવસે અધધધ કામની કરી છે ત્યારે ચલો કરીએ એક નજર કે ફિલ્મ ક્રિટીક્સનુ આ ફિલ્મ વિશે શું કહેવું છે.