સોનમની નવી ફિલ્મ બ્લાઈન્ડ સીધી ઓટીટી પર રિલીઝ થશે

- મૂળ કોરિયન ફિલ્મ પરથી રિમેક બનાવાઈ છે

- અગાઉ થિયેટર રિલીઝ વિચારાઈ હતી પણ ફ્લોપ જવાની બીકે ઓટીટીને વેચી દેવાઈ

મુંબઇ : સોનમ કપૂરની 'બ્લાઈન્ડ' ફિલ્મ લાંબા સમયથી તૈયાર છે. તે થિયેટરમાં નિષ્ફળ જવાની બીકે હવે સીધી ઓટીટી પર રિલીઝ કરવાનું નક્કી કરાયું છે.  નિર્માતાઓએ આ ફિલ્મને  જુદાં જુદાં પ્લેટફોર્મ પર વેચવા પ્રયાસ કર્યા હતા. જોકે, નિર્માતા જે કિંમત માગતા હતા તે આપવા માટે મલ્ટીનેશનલ પ્લેટફોર્મ્સ તૈયાર ન હતાં. માંડ માંડ એક ઓટીટી પ્લેટફોર્મ સાથે સોદો પાર પડતાં હવે ચાલુ વર્ષમાં ગમે ત્યારે આ ફિલ્મ રિલીઝ થશે. 

આ ફિલ્મમાં સોનમ કપૂરઆહુજા  ઉપરાંત પૂરબ કોહલી, વિનય પાઠક અને લિલેટ દુબે પણ છે. આ ફિલ્મ ૨૦૧૧ની કોરિયાઇ ફિલ્મની સત્તાવાર રીમેક છે જેનું શિર્ષક પણ બ્લાઇન્ડ જ હતું.