Singer Darshan Raval Gets Married: સિંગર દર્શન રાવલે ગુપચુપ રીતે લગ્ન કર્યા છે. દર્શન રાવલે લગ્નની તસવીરો સોશિયલ મીડિયા પર શેર કરીને સૌને ચોંકાવ્યા છે. દર્શને પોતાની બેસ્ટ ફ્રેન્ડ ધરલ સુરેલિયા સાથે લગ્ન કર્યા છે. દર્શન રાવલે લગ્નના ફોટા શેર કરીને લખ્યું કે, 'તે મારી ફોરેવર બેસ્ટ ફ્રેન્ડ છે.' ફોટામાં બંને ખૂબ જ ક્યૂટ લાગી રહ્યા છે.
દર્શન રાવલ-ધરલ સુરેલિયાનો લગ્ન લુક
ધરલ સુરેલીયાએ લાલ રંગનો લહેંગા પહેર્યો હતો, જેમાં ભરતકામ કરવામાં આવ્યું હતું. તેણે બ્રાઇડલ જ્વેલરી, હળવો મેકઅપ અને બાંધેલા વાળથી પોતાનો લુક તૈયાર કર્યો. તેણે બે દુપટ્ટા પહેર્યા હતા, જેમાંથી એક તેના માથા પર અને બીજો તેના ખભા પર હતો. જ્યારે દર્શન આઇવરી-ટોન્ડ ચિકનકારી શેરવાનીમાં ખૂબ જ સુંદર દેખાતો હતો, જેને તેણે મેચિંગ પેન્ટ અને દોશાલા સાથે પહેર્યો હતો.
દર્શન રાવલની પત્ની કોણ છે?
ધરલ સુરેલિયા એક આર્કિટેક્ટ અને ડિઝાઇનર છે. તેમણે બેબસન કોલેજમાંથી ગ્રેજ્યુએશન ડિગ્રી પૂર્ણ કરી અને એન્ટરપ્રેન્યોરશિપમાં એમ.એસસી.ની ડિગ્રી પણ મેળવી. દર્શન રાવલની પત્નીના લિંક્ડઇન મુજબ, તે બટર કોન્સેપ્ટ્સના સ્થાપક છે જે એક ડિઝાઇન ફર્મ છે.
દર્શન રાવલ વિશે
દર્શન રાવલ બોલિવૂડના સૌથી લોકપ્રિય સિંગર્સમાંના એક છે જેમણે ઘણી ફિલ્મોમાં પોતાનો અવાજ આપ્યો છે. તેમના કેટલાક ફેમસ સોંગ્સમાં 'પ્રેમ રતન ધન પાયો', 'જબ તુમ ચાહો', 'તેરા સુરૂર', 'મૈં વો ચાંદ', 'સનમ તેરી કસમ', 'ખીચ મેરી ફોટો', 'લવયાત્રી', 'છોગડા' અને 'દિલ જુલાહા' સામેલ છે.
