સૈયારાની હિરોઈન અનિત પડ્ડા હવે વેબ સીરિઝમાં દેખાશે

- કોર્ટ રુમ ડ્રામામાં ફાતિમા સના શેખ સહકલાકાર  

- જોકે, આ પ્રોજેક્ટ તેણે સૈયારા પહેલાં સાઈન કર્યો હતો

મુંબઈ: 'સૈયારા' ફિલ્મથી જાણીતી બનેલી હિરોઈન અનિત પડ્ડા હવે વેબ સીરિઝ 'ન્યાય'માં દેખાવાની છે. આ સીરિઝમાં ફાતિમા સના શેખ, મોહમ્મદ ઝિશાન ઐયુબ, રઘુવીર યાદવ અને રાજશ શર્મા સહિતના કલાકારો છે. 

આ વેબ સીરિઝનું દિગ્દર્શન નિત્યા મહેરા તથા કરણ કાપડિયાએ કર્યું છે. 

અનિત પડ્ડાએ આ વેબ સીરિઝ જોકે, 'સૈયારા' પહેલાં સાઈન કરી હતી અને તેણે બહુ લાંબા સમય પહેલાં તેનું શૂટિંગ પણ પૂર્ણ કરી દીધું હતું. વેબ સીરિઝમાં અનિત એક ધર્મગુરુ દ્વારા જાતીય શોષણનો શિકાર બનેલી તરુણીની ભૂમિકા ભજવી  રહી છે. ફાતિમા સના શેખ આ સીરિઝમાં એક પોલીસ અધિકારીની ભૂમિકામાં  છે. 'ક્રિમિનલ જ્સ્ટીસ'ની જેમ આ સીરિઝ પણ કોર્ટ રુમ ડ્રામા હશે.