'આ ગયે મેરી મોત કા તમાશા દેખને...' નાના પાટેકરના એ ડાયલોગ જે આજે પણ લોકમુખે ચર્ચામાં

Nana Patekar Iconic Dialogues : બોલિવૂડમાં કેટલાક કલાકારો આવે છે અને પોતાનું પાત્ર ભજવીને ચાલ્યા જાય છે, પરંતુ કેટલાક કલાકારો એવા હોય છે કે તેમનું પાત્ર પૂરું થયા પછી પણ તેમનો અવાજ કાનમાં ગુંજતો રહે છે. દિવંગત દિગ્ગજ અભિનેતા નાના પાટેકર પણ એવા જ અદભુત કલાકારોમાંના એક હતા. ગોવા સ્થિત પોતાના ઘરમાં 75 વર્ષની વયે કાર્ડિયાક અરેસ્ટના કારણે તેમનું દુઃખદ નિધન થયું છે. હોસ્પિટલમાં ડૉક્ટરો દ્વારા લગભગ 45 મિનિટ સુધી તેમને બચાવવાના પ્રયાસો કરવા છતાં સવારે 5:20 વાગ્યે તેમને મૃત જાહેર કરવામાં આવ્યા હતા, જેનાથી સમગ્ર ફિલ્મ જગત અને પ્રશંસકો શોકમાં ડૂબી ગયા છે.

રૂંવાડા ઊભા કરી દેતા પ્રખ્યાત સંવાદો અને અનોખી અદા

ક્યારેક કોઈ અભિનેતાની ઓળખ તેનું નામ નહીં, પરંતુ તેનો અવાજ બની જાય છે. નાના પાટેકરના કિસ્સામાં પણ કંઈક આવું જ હતું. તેઓ પડદા પર આવે ત્યારે જ અંદાજ આવી જતો કે કંઈક વિશેષ થવાનું છે. તેમની આંખો, તેમનો રોષ, બોલવાની અનોખી શૈલી અને સંવાદો પરની મજબૂત પકડ તેમના પાત્રોને બેજોડ બનાવતી હતી. ફિલ્મ 'ક્રાંતિવીર'નો તેમનો ડાયલોગ "આ ગયે મેરી મોત કા તમાશા દેખને?" માત્ર એક લાઇન નહોતી, પણ દર્શકોના દિલમાં કોતરાઈ ગયેલું વાક્ય હતું. આ સિવાય ફિલ્મ 'તિરંગા'માં "અપના તો ઉસૂલ હૈ… પહેલે લાત, ફિર બાત, ઉસકે બાદ મુલાકાત!" અને 'પ્રહાર' ફિલ્મમાં "તું શેર હૈ, શેર કી તરહ દહાડ… વર્ના કુત્તો કી તરહ ભોંકતે રહ જાઓગે!" જેવા સંવાદો આજે પણ લોકોની યાદોમાં જીવંત છે.

સમાજની વેદના અને સિનેમાને આપેલી અમૂલ્ય ભેટ

નાના પાટેકરે 'પરિંદા', 'પ્રહાર', 'તિરંગા', 'ક્રાંતિવીર' અને 'ખામોશી: ધ મ્યુઝિકલ' જેવી શાનદાર ફિલ્મોમાં યાદગાર ભૂમિકાઓ ભજવી હતી. તેમના સંવાદોમાં ગુસ્સો હતો, દર્દ હતો, વ્યવસ્થા સામે સવાલ હતો અને સામાન્ય માણસની બેચેની પણ સ્પષ્ટ દેખાતી હતી. સિનેમા જગતમાં તેમના ઉત્કૃષ્ટ યોગદાન બદલ તેમને નેશનલ ફિલ્મ અવોર્ડ, ફિલ્મફેયર અવોર્ડ અને 'પદ્મ શ્રી' જેવા પ્રતિષ્ઠિત સન્માનથી નવાજવામાં આવ્યા હતા. અવોર્ડ્સ પોતાની જગ્યાએ છે, પરંતુ દર્શકોના દિલમાં કોઈ પણ કલાકારની અસલી જગ્યા તેના પાત્રો અને અવાજ બનાવતા હોય છે. આજે ભલે નાના પાટેકર શારીરિક રીતે આપણી વચ્ચે નથી, પરંતુ તેમની અનોખી શૈલી અને ગુંજતો અવાજ હંમેશાં અમર રહેશે.