ક્યોંકિ સાસ..ની સીઝન ટુની લોન્ચ ડેટ પાછળ ઠેલાઈ

- સીરિયલમાં સેટમાં છેલ્લી ઘડીએ ફેરફારો

મુંબઇ : 'ક્યોંકિ સાસ ભી કભી બહુથી'ની  બીજી સીઝન પાછળ ઠેલાઈ ગઈ છે. અગાઉ ચર્ચા હતી કે પહેલી સીઝનની રીલિઝની પચ્ચીસમી એનિવર્સરી ત્રીજી જુલાઈએ છે અને તે જ દિવસે બીજી સીઝનની શરુઆત થશે. પરંતુ, હવે સીરિઝના કલાકાર  અમર ઉપાધ્યાયના દાવા મુજબ આ લોન્ચ ડેટ પાછળ ઠેલાઈ છે. 

અમર ઉપાધ્યાયના જણાવ્યા અનુસાર સીરિયલના શૂટિંગ માટે જે સેટ તૈયાર કરાયો હતો તેનાથી એકતા કપૂરને સંતોષ ન હતો. તેને લાગ્યું હતું કે આ સેટ આગલી સીઝનની યાદગીરી યોગ્ય રીતે તાજી કરતો નથી.  હવે એનિવર્સરી ડેટની ઉજવણી ખાતર મુહૂર્ત શોટ તા. ત્રીજી જુલાઈએ હાથ ધરાશે. 

જોકે, અગાઉના અહેવાલો અનુસાર આ શોની બીજી સીઝનનું કેટલુંક શૂટિંગ ઓલરેડી શરુ થઈ ગયું છે.