- જોકે, વિડીયો નીચે કોમેન્ટસ ઓફ કરી દીધી
- બંને પરિવારો દ્વારા અલગ અલગ પ્રાર્થના સભાઓ દ્વારા એશાની સરાહનીય ચેષ્ટા
મુંબઈ : એશાએ પિતા ધર્મેન્દ્રને અંજલિ આપતો એક વિડીયો પોસ્ટ કર્યો છે.
તેમાં તેણે ધર્મેન્દ્રની પહેલી પત્ની પ્રકાશ કૌર તથા સની દેઓલને પણ સમાવ્યા છે.
આ વિડીયોમાં ધર્મેન્દ્રની લાઈફ જર્નીની કેટલીક તસવીરો છે. તેમાં એશાએ પ્રકાશ કૌર તથા સની દેઓલ, બોબી દેઓલ, વિજેતા અને અજીતાની તસવીરો પણ સમાવી છે.
જોકે, એશાએ આ વિડીયો નીચે કોમેન્ટસ ઓફ કરી દીધી છે. જેથી કોઈ પરિવાર અંગે કોઈ ટિપ્પણી ન કરી શકે.
ઉલ્લેખનીય છે કે ધર્મેન્દ્રનાં નિધન બાદ સની અને બોબી દેઓલે મુંબઈમાં પ્રાર્થના સભા યોજી હતી જેમાં હેમા માલિની કે તેની દીકરીઓ હાજર રહ્યાં ન હતાં. તે પછી હેમા માલિનીએ દિલ્હીમાં પ્રાર્થના સભા યોજી હતી જ્યાં સની કે બોબી દેઓલ ગયા ન હતા.
તે પછી એશાએ ઓનલાઈન અંજલિમાં ધર્મેન્દ્રનાં બંને પરિવારને એક રાખવાની સરાહનીય ચેષ્ટા દાખવતાં ચાહકોએ તેની પ્રશંસા કરી હતી.
ચર્ચા મુજબ એશાને સની અને બોબી દેઓલ સાથે પહેલેથી સારું બને છે.
