દિલજીત દોસાંઝ ફરી ઇમ્તિયાઝ અલી સાથે કામ કરશે

- વેદાંગ રૈના અને શરવરી વાઘ પણ જોવા મળશે

મુંબઇ : ઇમ્તિયાઝ અલીએ પોતાના આગામી પ્રોજેક્ટની ઘોષણા કરી છે. તે દિલજીત દોસાંઝ  સાથે ફરી કામ કરશે તેમજ વેદાંગ રૈના અને શરવરી વાઘ પણ તેની ફિલ્મનો હિસ્સો હશે. આ ફિલ્મ ભારતના વિભાજન પર આધારિત એક પીરિયડ જ્રામા છે. જેમાં વૈંદાત રૈના અને શરવરી પ્રેમીઓના રોલમાં જોવા મળશે, જેમની જિંદગી વિભાજન પછી હાલ-બેહાલ થઇ જાય છે. નસીરૂદીન શાહ અભિનિત આ ફિલ્મ પંજાબ પર સેટ છે. એક સૂત્રે જણાવ્યું હતું કે, ૧૯૪૦ના દાયકામાં સેટ કરેલી આ ફિલ્મમાંના બે પ્રેમીઓ વિભાજન પછી છૂટા પડી જતા હોય છે. ઇમ્તિયાઝ અલી ફિલ્મમાંની બે મુખ્ય ભૂમિકાઓ માટે બે મહિલાઓ સાથે વાતચીત કરી રહ્યો છે. આ ફિલ્મ અલગ-અલગ પેઢીોના પરિવારોની આસપાસ ફરતી જોવા મળશે, વૈંદાંગ અને શરવરીએ પોતાના લુક ટેસ્ટ આપી દીધા છે. ઇમ્તિયાઝે જણાવ્યું હતું હતું કે, આ એક રોમેન્ટિક ફિલ્મ હોવાની સાથેસાથે દેશ સાથે પણ જોડાયેલી છે. આવતા વરસે આ ફિલ્મને રિલીઝ કરવાની યોજના છે. ફિલ્મનું શૂટિંગ ઓગસ્ટમાં શરૂ કરવામાં આવશે.

ઇમ્તિયાઝે ફિલ્મની વાર્તા વિશે જણાવતાં કહ્યું હતુ ંકે, શું પ્રેમ કદી ખોવાઇ જાય ? શું કોઇના દિલમાંથી કોઇનું સ્થાન ઝુંટવાઇ શકે ? આ ફિલ્મની વાર્તા દિલ સાથે જોડાઇ છે. આ ફિલ્મની વાર્તા બે દિલ તથા એક દેશ સાથે જોડાયેલી છે.

આ ફિલ્મમાં દિલજીત દોસાંઝ વૈદાંગ રૈના, શરવરી વાઘ અને નસીરૂદીન તેજ અન્ય કલાકારો જોવા મળશે.