બરખા બિષ્ટ ક્યોં કિ સાસ..માં મિહિરની પ્રેયસી તરીકે દેખાશે

- બરખાએ જાતે શોમાં એન્ટ્રી કન્ફર્મ  કરી   

- બરખા અનેક હિટ સીરીયલો ઉપરાંત જાણીતી ફિલ્મોમાં પણ કામ કરી ચૂકી છે

મુંબઇ : એકતા કપૂરની હિટ સીરિયલ 'ક્યોકી સાસ ભી કભી બહુ થી'ની સીઝન ટુ આવી રહી છે. જેમાં તુલસી વીરાણીના રોલમાં સ્મૃતિ ઇરાની જોવા મળવાની છે. હવે આ સીરિયલને લઇને અપડેટ છે કે, તેમાં બરખા બિષ્ટની એન્ટ્રી થઇ છે. બરખા તુલસીના પતિ મિહિરના પ્રેમમાં  હોવાનું દર્શાવાશે. આમ આ વખતે તુલસી,મિહિર અને બરખાનો પ્રણય ત્રિકોણ જોવા મળશે. 

પહેલી સીઝનમાં પણ તુલસીના પતિ મિહિરને મંદિરા બેદી સાતે અફેર હોવનું દર્શાવાયુું  હતું. 

બરખાએ પોતે આ શોનો  ભાગ  હોવાનું  કન્ફર્મ  કર્યું છે.  બરખા આ પહેલાં અનેક હિટ ટીવી સીરિયલોમાં દેખાઈ ચૂકી છે. આ ઉપરાંત તેણે 'રામલીલા'  સહિતની ફિલ્મોમાં પણ કામ કર્યું છે. 

'ક્યોં કિ સાસ ભી કભી બહુ થી'ની નવી  સીઝન આ મહિનાની શરુઆતમાં જ ઓન એર થવાની હતી. પરંતુ સેટની ડીઝાઈન બદલવા સહિતનાં  કારણોને લીધે  આ શોની રીલિઝ વિલંબમાં મૂૂકાઈ છે.