આયુષ્માન શર્વરીની રોમાન્ટિક કોમેડીનું શૂટિંગ નવે.થી

- આયુષ્માન સલમાનને બદલે નવો પ્રેમ બનશે

મુંબઇ : આયુષ્માન ખુરાના સૂરજ બડજાત્યાની ફિલ્મ માટે  નવેમ્બર મહિનામાં શૂટિંગ કરવાનો છે.   ફિલ્મમાં તેની અને શર્વરી વાઘની જોડી જોવા મળશે. આ એક રોમાન્ટિક કોમેડી હશે. સૂરજ બડજાત્યાએ સલમાન ખાનને બદલે આયુષ્માનને નવી  પેઢીના પ્રેમ તરીકે પ્રોજેક્ટ કરવાનું નક્કી કર્યું છે. તે સીરિઝની આ પહેલી ફિલ્મ હશે. ફિલ્મનું શૂટિંગ ૬ મહિનામાં પુરુ કરવાની અને ૨૦૨૬ના ઉત્તરાધમાં  રીલિઝ કરવાની યોજના છે.  સૂરજ બડજાત્યાની આ  ફિલ્મ  સંયુક્ત પરિવાર પર આધારિત નહીં હોય, પરંતુ ન્યુક્લિયર  ફેમિલી પર હશે. રાજશ્રી પ્રોડક્શનની સ્ટાઈલ મુજબ આ એક હળવી ફિલ્મ હશે જેમાં પારિવારિક મૂલ્યોને જુદી રીતે  દર્શાવવામાં આવશે. 

 ફિલ્મની સ્ક્રિપ્ટ ફાઈનલ થઈ ચૂકી છે. અન્ય કલાકારોનું કાસ્ટિંગ ચાલી રહ્યું છે. દિગ્દર્શક તરીકે સૂરજ બડજાત્યાની આ આઠમી ફિલ્મ હશે.