આલિયા ટીનેજર ઓડિયન્સ માટે ફિલ્મ પ્રોડયૂસ કરશે

- સૈયારા સફળ થતાં આલિયાને પણ ધખારો

- બ્રહ્માસ્ત્રમાં અયાન મુખર્જીને આસિસ્ટ કરનારી  શ્રીતિ મુખર્જી ડિરેક્ટર તરીકે ડેબ્યૂ કરશે

મુંબઇ : એક 'સૈયારા' ફિલ્મ સફળ થઈ એટલે બોલીવૂડના અનેક નિર્માતાઓ  ટીનેજર ઓડિયન્સને ધ્યાને રાખી ફિલ્મ બનાવવાની ફિરાકમાં છે. આ હોડમાં હવે આલિયા ભટ્ટ પણ સામેલ થઈ છે. તેણે પોતાની પ્રોડક્શન  કંપની ઈટર્નલ સનસાઈન પિકચર્સનાં બેનર હેઠળ એેક ટીનેજર કેન્દ્રિત ફિલ્મ બનાવવાનું નક્કી  કર્યું છે. 

'યે જવાની હૈ દિવાની ' તથા  'બ્રહ્માસ્ત્ર' જેવી ફિલ્મોમાં અયાન  મુખજીને આસિસ્ટ કરનારી શ્રીતિ  મુખર્જી આ ફિલ્મ સાથે  એક સ્વતંત્ર ડિરેક્ટર તરીકે કારકિર્દી  શરુ કરશે. 

આ ફિલ્મમાં કોલેજ લાઈફ અને તે પછીના  સંઘર્ષ અને ઈમોશનલ ઉતારચઢાવની વાર્તા હશે. ફિલ્મમાં કલાકારો  તરીકે  મોટાભાગે ફ્રેશ ફેસીસની પસંદગી  કરવામાં આવશે. ફિલ્મનું શૂટિંગ આગામી ઓક્ટોબરમાં શરુ થશે.