જાણીતી અભિનેત્રીના ઘરે ચોરી, મોટી સંખ્યામાં રોકડ અને કિંમતી વસ્તુઓ ચોરાઈ

Actress bandgi kalra house robbed cash: એક ચોંકાવનારી ઘટનામાં બિગબોસ રિયાલિટી શૉમાં ચમકેલી અભિનેત્રી બંદગી કાલરાએ રવિવારે ખુલાસો કર્યો કે, માના ઘરમાં ચોરી થઈ હતી અને ચોરો મોટી રોકડ રકમ અને અન્ય કિંમતી અંગત સામાન લઈને ભાગી ગયા હતા. તેણે એવો પણ દાવો કર્યો છે કે મેં ફરિયાદ કરી હોવા છતાં કોઈ કાર્યવાહી કરવામાં આવી નથી અને તેણે અધિકારીઓ પર તેમના કામમાં બેદરકારી દાખવવાનો આરોપ લગાવ્યો છે. 

એક્ટ્રેસે દુઃખ વ્યક્ત કર્યું

બંદગી કાલરાએ ઈન્સ્ટાગ્રામ સ્ટોરી પર તેના દરવાજાના તૂટેલા તાળાના ફોટા શૅર કર્યા અને દુઃખ વ્યક્ત કર્યું હતું કે, હું ઘરે આવી અને જોયું કે ઘરમાં ચોરી થઈ ગઈ છે અને અંદરથી બહાર સુધી બધું જ બરબાદ થઈ ગયું છે. ઘણો બધો અંગત સામાન, પૈસા વગેરે ખોવાઈ ગયા છે અને મારી બહેનના લગ્ન હોવાથી ઘરમાં ઘણી રોકડ હતી, મારા ઘરનો કેમેરા ચોરાઈ ગયો છે અને બે દરવાજા તૂટેલા છે. 

આ પણ વાંચો: મારા મેનેજરે પણ મને 'જીસ્મ' ફિલ્મ કરવાની ના પાડી હતી...' એડલ્ટ મૂવી અંગે બિપાશા બાસુનો ખુલાસો

સિસ્ટમ પર લગાવ્યા ગંભીર આરોપ

આપણી સિસ્ટમ એટલી નબળી અને સુસ્ત છે કે તેઓ પગલાં લેવાને બદલે આરામ કરી રહ્યા છે અને ખાવાનું ખાઈ રહ્યા છે. જ્યારે હું યોગ્ય માનસિક સ્થિતિમાં આવીશ ત્યારે હું ટૂંક સમયમાં એક વીડિયો બનાવીશ. 

બીજી એક ઈન્સ્ટાગ્રામ સ્ટોરીમાં બંદગીએ કહ્યું કે, ચોરીને ત્રીસ કલાક વીતી ગયા હોવા છતાં કોઈ કાર્યવાહી નથી થઈ. મેં ક્યારેય આટલું લાચાર અનુભવ્યું નથી જે રીતે વસ્તુઓ ચાલી રહી છે અથવા મારે કહેવું જોઈએ કે બિલકુલ ચાલી રહી નથી, મને હવે તેમની નોકરીની નૈતિકતા અને પ્રામાણિકતા પર સ્પષ્ટ શંકા છે. પગલાં લેવામાં આવી રહ્યા નથી તેથી આ મામલો ટેબલ નીચે દબાઈ રહ્યો છે એ સ્પષ્ટ છે.