દેશમાં મોંઘવારી ઘટી, જથ્થાબંધ ફુગાવો 20 માસ અને રિટેલ CPI છ વર્ષના તળિયે, ખાદ્ય ચીજોના ભાવ ઘટ્યાં

WPI Inflation falls in June: દેશમાં મોંઘવારી છેલ્લા બે મહિનાથી સતત ઘટી રહી છે. જૂનમાં જથ્થાબંધ મોંઘવારી ઘટી -0.13 ટકા સાથે 20 માસના તળિયે પહોંચી છે. જ્યારે રિટેલ ફુગાવો 6 વર્ષના તળિયે નોંધાયો છે. ભારતનો રિટેલ ફુગાવો જૂનમાં ઘટી 2.1 ટકા થયો છે. જે જાન્યુઆરી,2019 બાદનો સૌથી મોટો ઘટાડો છે. 

જથ્થાબંધ ફુગાવો 20 માસના તળિયે

જથ્થાબંધ ફુગાવો જૂનમાં -0.13 ટકા નોંધાયો છે. જે અગાઉ ઓક્ટોબર, 2023માં તે -0.56 ટકા હતી. મે, 2025માં 0.39 ટકા અને એપ્રિલ, 2025માં 0.85 ટકા હતી. રોજિંદા જીવન જરૂરિયાત અને ખાણી-પીણીની ચીજોના ભાવ ઘટતાં મોંઘવારીમાં ઘટાડો થયો છે.

રિટેલ ફુગાવો છ વર્ષના તળિયે

રિટેલ ફુગાવો જૂનમાં 0.72 ટકા ઘટ્યો છે. જે મેમાં 2.82 ટકા હતો. રિટેલ ફુગાવામાં ઘટાડા પાછળનું મુખ્ય કારણ ખાદ્ય ચીજોના ભાવમાં ઘટાડો છે. રિટેલ ફૂડ ઈન્ફ્લેશન જૂનમાં -1.06 ટકા નોંધાયું છે. શાકભાજીના ભાવ 19 ટકા ઘટ્યા છે. જ્યારે ગરમ મસાલા 3.03 ટકા સુધી સસ્તા થયા છે.

ખાણી-પીણીની ચીજોના ભાવ ઘટ્યાં

જૂનમાં રોજિંદા જીવન જરૂરિયાતની ચીજવસ્તુઓનો મોંઘવારી દર 2.02 ટકાથી ઘટી -3.38 ટકા થયો છે. જ્યારે ખાદ્ય પદાર્થોમાં જથ્થાબંધ ફુગાવો 1.72 ટકાથી ઘટી -0.26 ટકા થયો છે. ઈંધણ અને વીજનો જથ્થાબંધ ફુગાવો -2.27 ટકાથી ઘટી -2.65 અને મેન્યુફેક્ચરિંગનો WPI 2.04 ટકાથી ઘટી 1.97 ટકા નોંધાયો છે. 

જથ્થાબંધ ફુગાવાની ગણતરી

મોંઘવારીનું આંકલન કરવા જુદી-જુદી ચીજવસ્તુઓની કેટેગરી તૈયાર કરવામાં આવી છે. જેમાં જથ્થાબંધ ફુગાવામાં મેન્યુફેક્ચર્ડ પ્રોડક્ટ્સનો હિસ્સો 63.75 ટકા, પ્રાઈમરી આર્ટિકલ્સ જેમાં ખાદ્ય ચીજોનો હિસ્સો 22.62 ટકા અને ઈંધણ-વીજનો હિસ્સો 13.15 ટકા હોય છે. જથ્થાબંધ ફુગાવો આ ચીજોના જથ્થાબંધ ભાવના આધારે ગણવામાં આવે છે. રિટેલ ફુગાવામાં ખાદ્ય ચીજોનો હિસ્સો 45.86 ટકા, હાઉસિંગનો 10.07 ટકા અને ઈંધણ સહિતની અન્ય ચીજોનો હિસ્સો 45 ટકા આસપાસ હોય છે.

આ પણ વાંચોઃ બિટકોઈન 1.23 લાખ ડોલર સાથે ફરી ઑલ ટાઈમ હાઈ, વૈશ્વિક અનિશ્ચિતતાઓ વચ્ચે ક્રિપ્ટો માર્કેટમાં તેજી

ચાલુ કેલેન્ડર વર્ષમાં જથ્થાબંધ ફુગાવાના આંકડાં