મ્યૂચુઅલ ફંડ નિયમો થશે ફેરફાર, રોકાણકારો માટે સેબીનો જાણો શું છે નવો પ્લાન

SEBI Plans Overhaul of Mutual Fund: જો તમે મ્યુચ્યુઅલ ફંડમાં રોકાણ કરતાં હોવ તો આ સમાચાર તમારા કામના છે. હકીકતમાં સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) મ્યુચ્યુઅલ ફંડ નિયમોને વધુ રોકાણકાર-કેન્દ્રિત અને ઉદ્યોગ-મૈત્રીપૂર્ણ બનાવવા માટે તેમની વ્યાપક સમીક્ષા કરી રહ્યું છે. SEBI ના એક્ઝિક્યુટિવ ડિરેક્ટર મનોજ કુમારે જણાવ્યું હતું કે, 'અમે મ્યુચ્યુઅલ ફંડ નિયમનકારી માળખાની સમીક્ષા કરી રહ્યા છીએ, જેથી નિયમનકાર સહિત તમામ હિસ્સેદારો માટે વ્યવસાય સરળ બને.'  હિસ્સેદારોએ જણાવ્યું હતું કે, આ ક્ષેત્રને નિયંત્રિત કરતા હાલના નિયમો સૌથી લાંબા છે અને રોકાણકારો અને ઉદ્યોગ નવીનતાઓની ઉભરતી જરૂરિયાતો સાથે તાલમેલ બનાવી રાખવા માટે સરળીકરણની જરૂર છે.

આ પણ વાંચો: ઈન્ડિયન નેવીએ જાહેર કર્યું અગ્નિવીર ભરતી 2025 SSR/MR સ્ટેજ-2નું એડમિટ કાર્ડ, આવી રીતે કરો ડાઉનલોડ

ડ્રાફ્ટ નિયમ ટૂંક સમયમાં તૈયાર થશે

મનોજ કુમારે કહ્યું કે, નવા નિયમો લાગુ થવા માટે કોઈ સમયસીમા  આપ્યા વિના પ્રક્રિયા શરૂ થઈ ગઈ છે અને ટૂંક સમયમાં અમે પ્રતિક્રિયા અને પરામર્શ પ્રક્રિયા માટે ડ્રાફ્ટ નિયમ લઈને આવીશું. કુમારે ભારતના સિક્યોરિટીઝ બજારને મજબૂત બનાવવા માટે SEBI ના વ્યૂહાત્મક બ્લુપ્રિન્ટની રૂપરેખા આપી, જેમાં મ્યુચ્યુઅલ ફંડ્સને સમાવિષ્ટ નાણાકીય વિકાસ અને રોકાણકારોના રક્ષણને પ્રોત્સાહન આપવા માટે એક મહત્વપૂર્ણ સ્તંભ તરીકે સ્થાપિત કરવામાં આવ્યા છે.

આ પણ વાંચો: ચૂંટણી પંચના નવા નિયમ પર વિવાદ, રાહુલ ગાંધીએ કહ્યું- સ્પષ્ટ દેખાય છે કે મેચ ફિક્સ છે

મ્યુચ્યુઅલ ફંડ ક્રાંતિ દ્વારા બીજો એક ફેરફાર આવશે

મ્યુચ્યુઅલ ફંડ્સમાં સલાહકાર કાર્યોને નિયંત્રિત કરતા નિયમો પર એક પરામર્શ પત્ર પણ તૈયાર કરવામાં આવી રહ્યો છે. મનોજ કુમારે કહ્યું કે, SEBI ના નેતૃત્વ હેઠળ ભારતમાં મોટા બજારમાં ફેરફારો જોવા મળ્યા છે. મ્યુચ્યુઅલ ફંડ ક્રાંતિ દ્વારા બીજો એક ફેરફાર આવી રહ્યો છે.