મ્યુચ્યુઅલ ફંડ ઉદ્યોગની સ્પેશિયલાઇઝ્ડ ઇન્વેસ્ટમેન્ટ ફંડમાં પ્રવેશવાની તૈયારી

અમદાવાદ : ફંડ હાઉસ આગામી મહિનાઓમાં તાજેતરમાં શરૂ થયેલા સ્પેશિયલાઇઝ્ડ ઇન્વેસ્ટમેન્ટ ફંડ સેગમેન્ટમાં પ્રવેશવાની તૈયારી કરી રહ્યા છે. ઘણા ફંડ હાઉસ તેમની નવી ઓફર માટે ઇક્વિટી અને હાઇબ્રિડ સેગમેન્ટ પર ધ્યાન કેન્દ્રિત કરી રહ્યા છે. તેઓ પરંપરાગત યોજનાઓથી આગળ વધીને તેમની ઓફર પર ધ્યાન કેન્દ્રિત કરવા માંગે છે.

મ્યુચ્યુઅલ ફંડ ક્ષેત્રના સુત્રો મુજબ ઇક્વિટી અને હાઇબ્રિડ કેટેગરી વચ્ચે પસંદગી ત્રણ મુખ્ય પરિબળો રોકાણ ક્ષેત્રમાં હાલના ઉત્પાદન અંતર, આવી ઓફર માટે બજાર માંગ અને ફંડ હાઉસ પાસે ઉપલબ્ધ સંસાધનો પર આધારિત છે.

આવી પ્રારંભિક સ્પેશિયલાઇઝ્ડ ઇન્વેસ્ટમેન્ટ ફંડ ઓફર આવતા મહિને કરવામાં આવે તેવી શક્યતા છે. બે એસેટ મેનેજમેન્ટ કંપનીઓ ક્વોન્ટ અને એડલવાઇસને તેના  લાઇસન્સ મળ્યા છે. અન્ય ઘણી એસેટ મેનેજમેન્ટ કંપનીઓએ પણ સિક્યોરિટીઝ એન્ડ એક્સચેન્જ બોર્ડ પાસે લાઇસન્સ માટે અરજી કરી છે અથવા તે કરવાની પ્રક્રિયામાં છે.

પ્રોડક્ટના મોરચે, એડલવાઇસ અને એક્સિસે હાઇબ્રિડ સ્ટ્રેટેજી પસંદ કરી છે, જ્યારે ક્વોન્ટ અને એસબીઆઈ ઇક્વિટી પર ધ્યાન કેન્દ્રિત કરી રહ્યા છે. ઉદ્યોગના સૂત્રોના જણાવ્યા અનુસાર, ઓછામાં ઓછા ત્રણ અન્ય ફંડ હાઉસ ઇક્વિટી અથવા હાઇબ્રિડ ફંડ લોન્ચ કરવા માટે તૈયાર છે.

વર્તમાન સ્પેશિયલાઇઝ્ડ ઇન્વેસ્ટમેન્ટ ફંડ નિયમો સાત સ્પેશિયલાઇઝ્ડ ઇન્વેસ્ટમેન્ટ ફંડ પ્રોડક્ટ્સને મંજૂરી આપે છેથ ઇક્વિટીમાં બે-બે (ઇક્વિટી લોંગ-શોર્ટ, ઇક્વિટી એક્સ-ટોપ ૧૦૦ લોંગ-શોર્ટ, અને સેક્ટર રોટેશન લોંગ-શોર્ટ), હાઇબ્રિડ (એક્ટિવ એસેટ એલોકેટર લોંગ-શોર્ટ અને હાઇબ્રિડ લોંગ-શોર્ટ) અને ડેટ કેટેગરીઝ.