જીએસટી દરમાં ઘટાડાથી ખરીદદારોની ક્ષમતામાં વધારો થશે, જેનાથી ઘરોની માંગમાં વધારો થઈ શકે છે. કાચા માલના ખર્ચમાં ઘટાડો થવાથી વિકાસકર્તાઓને મદદ મળશે અને પ્રોજેક્ટ પૂર્ણ થવાની શક્યતા પણ વધશે. કાઉન્સિલે સિમેન્ટ પર જીએસટી દર ૨૮ ટકાથી ઘટાડીને ૧૮ ટકા કર્યો છે. રેતી-ચૂનાની ઇંટો અથવા પથ્થરના જડતરના કામ અને ગ્રેનાઈટ બ્લોક પરનો દર ૧૨ ટકાથી ઘટાડીને ૫ ટકા કરવામાં આવ્યો છે. પ્રોજેક્ટના પ્રકાર અને સિમેન્ટ ખર્ચમાં બચતના આધારે, ઘરોના ભાવમાં ૧ થી ૧.૫ ટકાનો ઘટાડો થઈ શકે છે. સિમેન્ટ અને અન્ય બાંધકામ સામગ્રી પર જીએસટીમાં ઘટાડો એક મોટું પગલું છે, જે બાંધકામ ખર્ચમાં સીધો ઘટાડો કરશે. આનાથી શહેરી માળખાગત સુવિધાઓમાં રોકાણ વધશે. કુલ બાંધકામ ખર્ચમાં સિમેન્ટનો હિસ્સો ૪ થી ૫ ટકા છે જ્યારે સમગ્ર બાંધકામ સામગ્રીનો હિસ્સો ૨૫થી ૩૦ ટકા છે. આ સુધારાઓ ડેવલપર્સના ઇનપુટ ખર્ચમાં લગભગ ૧૦ ટકાનો ઘટાડો કરી શકે છે.
સ્વિટ્ઝર્લેન્ડે ભારત સાથે ખ્છ લાગુ કરવા માટે ધોરણો હળવા કર્યા
ચાર દેશોના યુરોપિયન ફ્રી ટ્રેડ એસોસિએશન (EFTA)ના સૌથી મોટા અર્થતંત્ર સ્વિટ્ઝલૅન્ડે ભારત સાથેના વેપાર કરારમાં સંમત થયેલી કસ્ટમ છૂટછાટોને લાગુ કરવા માટે તમામ જરૂરી નિયમનકારી સુધારાઓ અપનાવ્યા છે. માર્ચ ૨૦૨૪માં હસ્તાક્ષર કરાયેલ આ કરાર ૧ ઓક્ટોબરથી કાર્યરત થશે. EFTAના અન્ય સભ્યો નોર્વે, આઇસલેન્ડ અને લિક્ટેનસ્ટેઇન છે. બ્લોકમાં ભારત માટે સૌથી મોટો વેપાર ભાગીદાર સ્વિટ્ઝર્લૅન્ડ છે જે સોનાનો મોટો વેપાર કરે છે. સ્વિસ સરકારના એક નિવેદન અનુસાર, ભારતે પ્રથમ વખત મુક્ત વેપાર કરારમાં વેપાર અને ટકાઉ વિકાસના ક્ષેત્રમાં કાયદેસર રીતે બંધનકર્તા જોગવાઈઓ સામેલ કરી છે. વધુમાં, કરારમાં એક જોગવાઈ છે જેમાં પક્ષો અન્ય આંતરરાષ્ટ્રીય કરારો હેઠળ તેમના અધિકારો અને જવાબદારીઓની પુષ્ટિ કરે છે.ભારત તરફથી કરાર - જેને ઔપચારિક રીતે વેપાર અને આર્થિક ભાગીદારી કરાર (TEPA) કહેવામાં આવે છે.
