બજારની વાત .

93 વર્ષના પતિએ જ્યારે મંગળ સૂત્ર ખરીદ્યું...

સોશ્યલ નેટવર્ક પર એક હૃદય દ્રાવક વિડીયો જોવા મળી રહ્યો છે. જેમાં ૯૩ વર્ષના વૃધ્ધ પતિ તેમની પત્ની માટે મંગળસૂત્ર ખરીદવા દુકાનમાં જાય છે. સાથે તેમના વૃધ્ધ પત્ની પણ  હતી બંનેેએ એક મંગળ સૂત્ર પસંદ કર્યું હતું. દંપત્તિ વચ્ચેની લાગણી જોઇને દુકાનદાર પણ તેમની સાથે વાતોમાં જોડાયા હતા. દંપત્તિને પૂછાયું કે તેમની પાસે કેટલા પૈસા છે? જવાબ મળ્યો કે ૧૧૨૦ રૂપિયા રોકડા છે એમ કહીને તેમણે થેલીમાંથી પરચુરણની બે કોથળી ટેબલ પર મુકી હતી. તેમની નિર્દોષતા જોઇને વિડીયો જોનાર દરેકમાં સંવેદના ઉભી થઇ હતી. વૃધ્ધ યુગલે વાતચીતમાં કહ્યું તે તેમનો એક પુત્ર મૃત્યુ પામ્યો છે અને બીજો દારૂના રવાડે ચઢેલો છે. અમે બંને એકલા રહીએ છીયે. દુકાનદાર પણ ઉદાર હતો. તેણે માત્ર ૧૦ રૂપિયામાં મંગળસૂત્ર આપ્યું હતું.

એલેક્સ સોરોસની પત્નીએ પોતાના લગ્નમાં જવા બસ પકડી

મૂળ ભારતીય અને હિલેરી ક્લિન્ટનના વર્ર્ષોે સુધી મદદનીશ રહેનાર  લેખિકા હુમા એબીડીન  તાજેતરમાં તેમના પોતાના લગ્નમાં જવા શટલ બસમાં જવાનું નક્કી કરાયું હતું. તેમના લગ્ન ભવ્ય રીતે યોજાવાના હતા  વરપક્ષ વાળા અબજોપતિ જ્યોર્જ સોરસ હતા. તેમના પુત્ર એલેક્સ સોરોસ સાથે લગ્ન થવાના હતા. પોતે શા માટે શટલ બસ પકડવી પડી તેના જવાબમાં કહ્યું કે સખત્ત વરસાદમાં મારો ડ્રેસ બગડી જાય એમ હતો અને ગાડીમાં ડ્રેસમાં કરચલી પડે એમ હતું એટલે બસ પકડીને લગ્નસ્થળ પર જવાનું નક્કી કર્યું હતું. હુમાના પિતા ભારતીય છે અને માતા પાકિસ્તાની છે. તે ૧૯ વર્ષના હતા ત્યારથી હિલેરી ક્લિન્ટન સાથે જોડાયેલા હતા.

100 બાળકોના પિતા.. ટેલિગ્રામનો ફાઉન્ડર

સોશ્યલ નેટવર્ક ટેલિગ્રામના ૪૦ વર્ષના ફાઉન્ડર પેવલ દુરોવે કહ્યું છેકે તે તેની તમામ સંપત્તિ તેમના ૧૦૦ બાળકોને ફાળવશે. તેમના પોતાના છ બાળકો છે પરંતુ છેલ્લા પંદર વર્ષથી તેમણે કરેલા સ્પર્મ  ડોનેશનથી જન્મેલા ૧૦૦ જેટલા બાળકોના પમ તોે પિતા કહી શકાય. તે કહે છેકે આ ૧૦૦ બાળકોને હું મારા બાયોલોજીકલ સંતાનોથી દુર ના રાખી શકું. પોતાના વીલમાં તેણે લખ્યું છે કે આગામી ૩૦ વર્ષ સુધી મારા સંતાનોને કોઇ સંપત્તિ નહી મળે પરંતુ પછીતે હકદાર બનશે. ટેલિગ્રામ પર ૧૧.૧ મિલીયન ફોલોઅર્સ ધરાવનાર રોજ ૩૦૦ દંડબેઠક અને ૨૦૦ સ્કેવ્ટ્સ કસરત કરે છે. ચા-કોફી અને વાઇનથી દુર રહે છે.

બેંગલુરૂ મહિલાઓ માટે સલામત નથી

બેંગલુરૂના એક રેપીડો ચાલકે જયાનગર વિસ્તારમાં એક મહિલા સાથેના વિવાદમાં તેને લાફો ઝીંકી દીધો હતો. રેપિડોના ડ્રાઇવરના રફ ડ્રાઇવીંગ સામે અવાજ ઉઠાવનાર મહિલાને લાફો મારતા નજીક ઉભેલા રાહદારીઓ સ્તબ્ધ થઇ ગયા હતા. લાફો એટલો જારથી માર્યો હતો કે મહિલા સ્થળ પરજ પડી ગઇ હતી. પોલીસે તેને ફરિયાદ કરવા સમજાવી હતી અને જાણવાજોગ ફરિયાદ લેવાઇ હતી. પરંતુ ઘટનાનો વિડીયો સોશ્યલ નેટવર્ક પર ફરતો થતા હજારો લોકોએ પાલીસની ટીકા કરી હતી. અંતે પોલીસે એફઆઇઆર નોંધી હતી. બેંગલુરૂમાં અગાઉ પણ આવીજ એક  ઘટના બની હતી.

OLX પર ફાઇટર વિમાન વેચવા મૂકાયું

આજકાલ યુધ્ધના ગડગડાટ સંભળાઇ રહ્યા છે. યુધ્ધે ચઢેલા દેશો પાસે ફાઇટર વિમાનો અને મિસાઇલ વગેરે જોવા મળે છે. આશ્ચર્ય એ વાતનું છે કે સોશ્યલ નેટવર્ક પર ફાઇટર વિમાન વેચવા મુકાયું છે. તેની કિંમત ૪૦ લાખ અમેરિકી ડોલર રાખવામાં આવી છે. OLX પર જે વિમાન વેચવાનું છે તેનો ફોટો પણ મુકાયો છે. જેમણે પણ ફાઇટર પ્લેન વેચવા માટે મુકાયેલું જોયું તે લોકો સ્તબ્ધ થઇ ગયા હતા.હકીકત એ છેકે કેરળના તિરૂવંતપુરમ ઇન્ટરનેશનલ એરપોર્ટ પર એક યુધ્ધ વિમાન બ્રિટીશ F35B પડી રહ્યું છે. તે બ્રિટનના વેલ્સનું છે. તેની હાઇડ્રોલીક સિસ્ટમમાં ટેકનીકલ ખરાબી ઉભી થતાં તે એરપોર્ટ પરજ પડી રહ્યું છે. વેચનારા તેના ટાયરની સ્થિતિ જેવી વિગતો પણ લખી છે. કોઇએ વિમાન વેચવાની વાત કરીને સત્તાવાળાઓની મશ્કરી કરી છે.

પીધેલાની ઉંટ પર સવારી

હૈદ્રાબાદના ફ્લાયઓવર પર ઉંટ પર સવારી કરીને નજીકમાં સેર કરાવનારા ઉભા હોય છે. કહે છે કે ઉંટ પર સવારી કરાવનાર એક વ્યક્તિ દારૂ ઢીંચેલો હતો અને તે ઉંટને દોડાવીને ફ્લાયઓવરની બોર્ડર સુધી લઇ ગયો હતો. નજીકમાં ઉભેલા લોકોએ ચીસાચીસ કરી મુકી હતી કેમકે પીધેલો સવાર ઉંટને દોડાવતો હતો અને નીચે ઉતરવા તૈયાર નહોતો. ફ્લાયઓવરના કિનારા પર થોડી શરતચૂક થાય તો ઉંટની સાથે પીધેલો સવાર પણ પાણીમાં પડે એમ હતો. ઉંટ પણ ગભરાઇને દોડાદોડ કરવા લાગ્યું હતું. બે-ત્રણ જણાએ ભેગા થઇને મામલો નિયંત્રણમાં લીધો હતો.

કરિશ્મા કપુર પાસે 120 કરોડની સંપત્તિ

૧૯૯૦ના દાયકાની અભિનેત્રી કરિશ્મા કપુરના ભૂતપૂર્વ પતિ સંજય કપુરના ગયા અઠવાડિયે અવસાન થયા પછી કરિશ્મા કપુર પાસે કેટલી સંપત્તિ છે તે બાબતે ચર્ચા શરૂ થઇ છે. એક અહેવાલ અનુસાર કરિશ્મા કપુર પાસે પતિ પાસેથી આવેલી સંપત્તિ કરતાં આપ કમાઇ વધુ છે. તેની કમાણીના સોર્સમાં  વિવિધ ફિલ્મ અને ટીવી શોમાં ભાગ લેવો, બ્રાન્ડ માટે કામ કરવું, બિઝનેસ વેન્ચર્સમાં ભાગીદીરી, બુક રાઇટીંગ વગેરે મારફતે તેની આવકમાં વધારો થઇ રહ્યો છે. બેબીબોય ડોટકોમમાં કરિશ્મા કપુરનો સૌથી મોટો હીસ્સો છે. ફિલ્મ દુનિયા સાથે સંકળાયેલા વિવિધ શોમાં તે જજ તરીકે રહેવાના  તગડા પૈસા લે છે.