રાહુ અને કેતુની વચ્ચે ફસાયા સૂર્ય, અનેક રાશિના જાતકો પર આવશે અણધાર્યા વિધ્ન

Surya Gochar 2026: જ્યોતિષશાસ્ત્ર મુજબ 15 મેના રોજ સૂર્યદેવ વૃષભ રાશિમાં પ્રવેશ કરવા જઈ રહ્યા છે, જેને વૃષભ સંક્રાંતિ તરીકે ઓળખવામાં આવશે. આ ગોચર દરમિયાન સૂર્ય અને બુધની યુતિથી વૃષભ લગ્ન બનશે અને સૂર્ય પર શનિની વિશેષ દ્રષ્ટિ રહેશે. આ સાથે જ સૂર્યદેવ રાહુ અને કેતુની મધ્યમાં આવી જશે, જેના કારણે રાહુ-કેતુનો કેન્દ્રીય યોગ પ્રભાવી બનશે.

મેષ રાશિ

મેષ રાશિના જાતકોએ આગામી સમયમાં પૈસાની લેવડ-દેવડ કે રોકાણના મામલે અત્યંત સાવધાની રાખવી પડશે. આર્થિક બાબતોમાં સતર્કતાની સાથે સ્વાસ્થ્યનું ધ્યાન રાખવું પણ એટલું જ જરૂરી છે, કારણ કે આંખોની તકલીફ અથવા માથામાં ઈજા જેવી સમસ્યાઓ પરેશાન કરી શકે છે. આ નકારાત્મક અસરોથી બચવા માટે જાતકોએ આગામી એક મહિના સુધી દરરોજ સવારે સૂર્ય ભગવાનને જળ અર્પણ કરવું જોઈએ.

વૃષભ રાશિ

વૃષભ રાશિના જાતકો માટે મિલકત સંબંધિત કામોમાં પ્રગતિના યોગ છે. નવી પ્રોપર્ટીની ખરીદી કે જૂની મિલકતના વેચાણથી મોટો નફો થઈ શકે છે, પરંતુ પારિવારિક શાંતિ ડહોળાઈ શકે છે. સંબંધોમાં તણાવ અને સતત માથાના દુખાવાની ફરિયાદ રહી શકે છે. આ મુશ્કેલીઓના નિવારણ માટે નિયમિતપણે સવારે સૂર્ય મંત્રનો જાપ કરવો ફળદાયી રહેશે.

મિથુન રાશિ

મિથુન રાશિના જાતકો માટે આ સમય આર્થિક ખેંચતાણનો રહી શકે છે. જૂના દેવા ચૂકવવામાં વધુ પૈસા ખર્ચાય તેવી શક્યતા છે અને બિનજરૂરી ખર્ચ પણ વધશે. 15 મે થી 15 જૂન દરમિયાન જોખમી મુસાફરી ટાળવી અને સ્થાન પરિવર્તન વખતે સાવધ રહેવું. મોટા નુકસાનથી બચવા માટે જાતકોએ દર રવિવારે ગોળનું દાન કરવું અથવા ગાયને ગોળ ખવડાવવો જોઈએ.

કર્ક રાશિ

કર્ક રાશિના જાતકો માટે સૂર્યનું ગોચર અત્યંત અનુકૂળ સાબિત થશે. કરિયરમાં નવી તકો અને મોટો હોદ્દો મળવાની સાથે આર્થિક સ્થિતિમાં પણ સુધારો થશે. ફસાયેલા નાણાં પરત મળવાના યોગ છે અને ધનનો પ્રવાહ સતત જળવાઈ રહેશે. આ શુભ પ્રભાવને વધારવા માટે જાતકોએ પોતાના જીવનમાં લાલ રંગનો મહત્તમ પ્રયોગ કરવો જોઈએ.

સિંહ રાશિ

સિંહ રાશિના જાતકોને કરિયરમાં ચાલી રહેલા લાંબા સમયના તણાવમાંથી મુક્તિ મળશે અને સફળતાના નવા દ્વાર ખુલશે. સ્વાસ્થ્યમાં સુધારો થશે અને વિરોધીઓ પરાસ્ત થશે. કોર્ટ-કચેરીના કામોમાં વિજય મળવાના સંકેત છે. આ સૌભાગ્યને જાળવી રાખવા માટે દરરોજ સવારે સૂર્યદેવને શ્રદ્ધાપૂર્વક જળ અર્પણ કરવું હિતાવહ છે.

કન્યા રાશિ

કન્યા રાશિના જાતકોએ આગામી એક મહિના સુધી વાહન ચલાવતી વખતે કે અન્ય કામોમાં અકસ્માતથી બચવું પડશે. સંતાનના સ્વાસ્થ્ય અને કરિયરની ચિંતા સતાવી શકે છે. હાલના સમયે કરિયરમાં કોઈ પણ પ્રકારનું જોખમ લેવું નુકસાનકારક સાબિત થઈ શકે છે. આ પ્રતિકૂળ સંજોગોમાં રાહત મેળવવા માટે દર રવિવારે ગોળનું દાન કરવાનો ઉપાય ઉત્તમ છે.

તુલા રાશિ

તુલા રાશિ માટે સૂર્યનું આ પરિવર્તન પડકારજનક રહેશે. કરિયર અને સ્વાસ્થ્યમાં બેદરકારી ભારે પડી શકે છે, તેથી જૂની બીમારીઓ કે વિવાદો ફરી ઉભરી ન આવે તેનું ધ્યાન રાખવું. ખાસ કરીને આંખોની સમસ્યા અને અકસ્માતથી સાવધ રહેવું જરૂરી છે. આ સંકટોથી રક્ષણ મેળવવા માટે જાતકોએ દરરોજ સવારે સૂર્ય ભગવાનના મંત્રનો જાપ કરવો જોઈએ.

વૃશ્ચિક રાશિ

વૃશ્ચિક રાશિના વેપારીઓએ ધંધામાં કોઈ મોટું સાહસ ન કરવું અને ભાગીદારી કે ઓફિસમાં વિવાદોથી બચવું. વૈવાહિક જીવનમાં તણાવ આવી શકે છે અને સ્વભાવમાં ગુસ્સો વધી શકે છે. માનસિક શાંતિ અને કાર્યની સફળતા માટે આગામી એક મહિના સુધી દર રવિવારે ગોળ અથવા ઘઉંનું દાન કરવું જોઈએ.

ધન રાશિ

ધન રાશિના જાતકો માટે આ ગોચર ખૂબ જ ભાગ્યશાળી રહેશે. કરિયરમાં પ્રગતિ અને મનપસંદ સ્થળે બદલીના યોગ છે, સાથે જ આર્થિક લાભ પણ થશે. શત્રુઓ પરાસ્ત થશે અને કાર્યક્ષેત્રમાં તમારો પ્રભાવ વધશે. આ સફળતાના માર્ગને વધુ પ્રશસ્ત કરવા માટે દરરોજ સવારે સ્નાન કર્યા પછી કંઠ અથવા કપાળ પર કુમકુમ કે રોલીનું લાલ તિલક કરવું જોઈએ.

મકર રાશિ

મકર રાશિના જાતકોએ સ્વાસ્થ્ય અને પાચનતંત્રનું ખાસ ધ્યાન રાખવું પડશે. પેટની સમસ્યાઓ અને વાહન ચલાવતી વખતે અકસ્માતનો ભય રહેલો છે. કરિયરમાં અત્યારે જે સ્થિતિ છે તેને જ જાળવી રાખવી, કોઈ પણ ફેરફાર મુસીબત નોતરી શકે છે. આ સ્થિતિમાં સુધારો લાવવા માટે દરરોજ સવારે સ્નાન બાદ સૂર્ય ભગવાનને જળ અર્પણ કરવું અત્યંત જરૂરી છે.

કુંભ રાશિ

કુંભ રાશિના જાતકો પર શનિની સાડાસાતીની સાથે માનસિક દબાણ વધશે. સ્વભાવમાં ચીડિયાપણું અને ક્રોધ આવી શકે છે, જેની અસર અભ્યાસ અને કાર્ય પર પડી શકે છે. વાણી પર સંયમ રાખવો અને સ્વાસ્થ્ય પ્રત્યે બેદરકાર ન રહેવું. આ માનસિક તણાવને ઓછો કરવા માટે જાતકોએ દરરોજ સવારે ‘ૐ આદિત્યાય નમઃ’ મંત્રનો શ્રદ્ધાપૂર્વક જાપ કરવો જોઈએ.

આ પણ વાંચો: બુધ કૃતિકા નક્ષત્રમાં કરશે એન્ટ્રી, આ રાશિના જાતકોએ સહન કરવું પડશે નુકસાન

મીન રાશિ

મીન રાશિના જાતકો માટે આ પરિવર્તન રાહતના સમાચાર લાવશે. અટકેલા કામો પૂરા થશે અને નવી પ્રોપર્ટી કે વાહન ખરીદવાના યોગ બનશે. નોકરીમાં નવી તકો મળવાની પૂરી શક્યતા છે. આ ઉન્નતિ અને સુખ-સમૃદ્ધિને કાયમી રાખવા માટે દરરોજ સવારે સૂર્યદેવને જળ અર્પણ કરવાનો નિયમ રાખવો જોઈએ.