કરિયરમાં પ્રગતિ અને પરિવારમાં શાંતિ... શનિના કારણે 3 રાશિના જાતકોને થશે વિશેષ લાભ
Updated: May 31st, 2025
GS TEAM
Shukra Shani Yuti 2025: વૈદિક જ્યોતિષમાં શનિ અને શુક્ર બંને ગ્રહોને અત્યંત પ્રભાવશાળી માનવામાં આવે છે. શનિદેવને કર્મના દાતા અને અનુશાસનના પ્રતીક માનવામાં આવે છે, તો શુક્ર ગ્રહને ધન, વૈભવ, આનંદ અને સુંદરતાનો કારક માનવામાં આવે છે. જ્યારે આ બે ગ્રહોની ગતિમાં એક ખાસ પ્રકારનો સંબંધ બને છે, ત્યારે તેનો 12 રાશિઓ પર ઊંડો પ્રભાવ પડે છે.
જ્યોતિષીય ગણતરી પ્રમાણે શનિ હાલમાં મીનમાં છે, જ્યારે શુક્ર જૂન મહિનામાં મેષ રાશિમાં ગોચર કરવાના છે. આવી સ્થિતિમાં આ બે ગ્રહો 30 ડિગ્રી પર હોવાને કારણે દ્વિવાદશ યોગનું નિર્માણ થશે. આ શુભ યોગ ત્રણ રાશિઓ માટે વરદાન સાબિત થઈ શકે છે.
મેષ રાશિ
શુક્ર તમારી રાશિમાં ગોચર અને શનિથી બની રહેલા દ્વિવાદશ યોગ તમારા માટે લાભદાયી સાબિત થઈ શકે છે. ઉચ્ચ અધિકારીઓ સાથેના સંબંધોમાં સુધારો થશે. શિક્ષણમાં આવી રહેલી અડચણો દૂર થશે. સંતાન સંબંધિત ચિંતાઓમાં રાહત મળી શકે છે. અટકાયેલી યોજનાઓ આગળ વધી શકે છે અને ઈચ્છાઓ પૂર્ણ થઈ શકે છે. વ્યાપારમાં નફો કમાવવાની તક મળશે અને આર્થિક સ્થિતિ સુધરશે. જીવન વધુ અનુશાસિત અને સંતુલિત રહેશે.
મકર રાશિ
આ યોગ મકર રાશિના જાતકો માટે વિશેષ રુપે શુભ રહેશે. કરિયર અને વ્યવસાયમાં પ્રગતિના સંકેત જોવા મળશે. લાંબા સમયથી અટકેલા કાર્યો હવે પૂર્ણ થશે. સમાજમાં માન અને પ્રતિષ્ઠા વધી શકે છે. પારિવારિક જીવનમાં સુખ અને શાંતિ રહેશે. લગ્નયોગ્ય જાતકોને સારા પ્રસ્તાવ આવી શકે છે. ધાર્મિક અને આધ્યાત્મિક વિષયોમાં રસ વધશે. જીવનસાથી સાથે સંબંધો મધુર રહેશે અને ટૂંકી યાત્રાઓ પણ થઈ શકે છે.
કુંભ રાશિ:
કુંભ રાશિ માટે આ સમય શુભ સંકેતો લઈને આવી રહ્યો છે, ખાસ કરીને જ્યારે શનિ તમારી રાશિમાં સાડાસાતીના અંતિમ તબક્કામાં છે. વર્ષોની મહેનત હવે રંગ લાવી શકે છે. શિક્ષણ અને સ્પર્ધાત્મક પરીક્ષાઓમાં સફળતાની શક્યતા છે. કાર્યસ્થળ પર તમને પ્રશંસા મળશે. માનસિક તણાવ ઓછો થશે અને આત્મવિશ્વાસ વધશે. લાંબા સમયથી અટકેલી યોજનાઓ હવે ગતિ પકડશે.
