શારદીય નવરાત્રિથી આ રાશિના જાતકોનો ગોલ્ડન ટાઇમ શરુ, ધન લાભ થવાની શક્યતા

Shardiya Navratri 2025: 22 સપ્ટેમ્બરથી મા દુર્ગાના નવ શુભ દિવસોની શરુઆત થવા જઈ રહી છે, જેને શારદીય નવરાત્રિ તરીકે ઓળખવામાં આવે છે. આ દિવસોમાં માતા રાણી નવદુર્ગા સ્વરૂપની ઉપાસના કરવામાં આવે છે. નવરાત્રિ દરમિયાન ભક્તો વ્રત રાખે છે અને ઘર-ઘરમાં કળશ સ્થાપના અને ઘટસ્થાપન કરવામાં આવે છે. નવ દિવસ સુધી ઘરો અને મંદિરોમાં માતાની ચોકી શણગારવામાં આવે છે, ભજન અને કીર્તન કરવામાં આવે છે અને લોકો માતા રાણીને પ્રસન્ન કરવા માટે ઉપવાસ, જાપ અને હવન કરે છે.

શારદીય નવરાત્રિને શક્તિની ઉપાસનાનો સૌથી મોટો પર્વ માનવામાં આવે છે, જ્યાં ભક્તો પોતાની ઇચ્છાપૂર્તિ અને પોતાના પરિવારની સુખ-સમૃદ્ધિની કામના કરવામાં આવે છે. જ્યોતિષીઓના મતે શારદીય નવરાત્રિનો દરેક દિવસ તમામ જાતકો માટે ખૂબ જ શુભ માનવામાં આવે છે. આ સાથે જ આ વર્ષે શારદીય નવરાત્રિની શરુઆત કેટલાક ખાસ શુભ યોગથી થવા જઈ રહી છે. 

શારદીય નવરાત્રિ 2025 શુભ સંયોગ

શાસ્ત્રો પ્રમાણે શારદીય નવરાત્રિના પ્રથમ દિવસે ઘટસ્થાપના અથવા કળશ સ્થાપના કરવામાં આવે છે અને આ દિવસ કોઈ સંયોગથી ઓછો નથી. પરંતુ આ વર્ષે શારદીય નવરાત્રિ દરમિયાન અનેક શુભ સંયોગો પણ બનવા જઈ રહ્યા છે, જેમાં બ્રહ્મ યોગ, શુક્લ યોગ અને મહાલક્ષ્મી રાજ યોગ બનશે. નવરાત્રિ કેટલાક જાતકો માટે માત્ર ધાર્મિક દૃષ્ટિથી જ નહીં, પરંતુ કારકિર્દી, ધન અને વ્યક્તિગત જીવનમાં પણ શુભ પરિણામો આપી શકે છે. ચાલો જાણીએ કે કઈ રાશિના જાતકો માટે નવરાત્રિ સૌથી શુભ રહેશે.

1. મેષ રાશિ

નવરાત્રિ મેષ રાશિના જાતકો માટે ખૂબ જ શુભ રહેશે. આ સમય તમારા આત્મવિશ્વાસ અને ઊર્જાને વધારવાનો છે. લાંબા સમયથી અટકેલા કાર્યો ઝડપથી પૂર્ણ થશે. કરિયરમાં નવી તકો મળી શકે છે અને બિઝનેસમાં વિસ્તારનો યોગ બનશે. મા દુર્ગાના આશીર્વાદથી તમારા પરિવારમાં સુખ-શાંતિ વધશે. 

2. સિંહ રાશિ

શારદીય નવરાત્રિમાં સિંહ રાશિના જાતકોનો ગોલ્ડન ટાઇમ શરુ થશે. આ સાથે જ આ સમય વિશેષ રૂપે સૌભાગ્ય લઈને આવશે. જમીન, વાહન અને સંપત્તિ સંબંધિત મામલે લાભ શક્ય છે. પારિવારિક સંબંધોમાં સુમેળ વધશે, વૈવાહિક જીવનમાં ખુશીઓનું આગમન થશે અને પ્રેમ સંબંધ મજબૂત બનશે.

આ પણ વાંચો: 'રોહિત મારા મેન્ટર, કોહલી રમૂજી...' યશસ્વી જયસ્વાલે દિગ્ગજોના અનેક રાજ ખોલ્યા

3. ધન રાશિ

નવરાત્રિ ધન રાશિના જાતકો માટે આર્થિક સમૃદ્ધિનો સમય છે. ધન-સંપત્તિના નવા સ્ત્રોત બનશે. નોકરી કરતાં લોકોને પ્રમોશન મળી શકે છે. આ સમયગાળો વિદ્યાર્થીઓ માટે પણ સફળતા આપનારો હશે. સ્વાસ્થ્યમાં સુધારો થશે, અને માનસિક શાંતિ પ્રાપ્ત થશે. અટકેલા કાર્યો પૂર્ણ થશે.