વાંચો તમારું 30 જુલાઈ 2025 નું રાશિ ભવિષ્ય

મેષ : આપના કાર્યની સાથે બીજું કોઈ કામ આવી જતાં અન્ય સહકર્મીનું કામ આવી જતાં આપના કાર્યભાર-દોડધામ-શ્રમ વધે.

વૃષભ : આપની મહેનત-બુદ્ધિ-અનુભવ-આવડતથી આપના કામનો ઉકેલ લાવી શકો. વાણીની મીઠાશથી લાભ-ફાયદો રહે.

મિથુન : આપ હરો-ફરો-કામકાજ કરો પરંતુ આપના હૃદય-મનને શાંતિ-રાહત જણાય નહીં. જમીન-મકાન-વાહનના કામમાં ધ્યાન રાખવું.

કર્ક : આપના યશ-પદ-ધનમાં વધારો થાય તેવી કાર્યરચના થવાથી આપને આનંદ થાય. ભાઈભાંડુનો સહકાર મળી રહે.

સિંહ : આપના કામમાં સાનુકૂળતા મળી રહે. સીઝનલ ધંધામાં આવક જણાય. કૌટુંબિક-પારિવારિક કામકાજ અંગે દોડધામ રહે.

કન્યા : આપના ગણત્રી ધારણા પ્રમાણેનું કામકાજ થવાથી કામ કરવાનો ઉત્સાહ રહે. અગત્યના કામ અંગે મુલાકાત થાય.

તુલા : આપે રાજકીય-સરકારી કામમાં, ખાતાકીય કામમાં, કોર્ટ-કચેરીના કામમાં સાવધાની રાખવી પડે. રૂકાવટ અનુભવાય.

વૃશ્ચિક : સીઝનલ ધંધામાં આપને લાભ-ફાયદો મળી રહે. વાણીની મીઠાશથી કામમાં સરળતા રહે. સંતાનની ચિંતા ઓછી થાય.

ધન : આપના કાર્યની સાથે ઘર-પરિવાર-મિત્રવર્ગ-સગા-સંબંધી વર્ગના કામકાજ અંગે વ્યસ્તતા-દોડધામ અનુભવાય.

મકર : નોકરી-ધંધાના કામકાજ અંગે બહાર કે બહારગામ જવાનું આયોજન થાય. નોકર-ચાકરવર્ગનો સાથ-સહકાર મળી રહે.

કુંભ : આપે બેન્કના, વીમા કંપનીના, શેરોના કામકાજમાં સાવધાની રાખવી પડે. સીઝનલ-વાયરલ બીમારીથી સંભાળવું પડે.

મીન : આપના અગત્યના કામનો ઉકેલ લાવી શકો. મહત્ત્વના નિર્ણય લઈ શકાય. ઇચ્છિત વ્યક્તિની સાથે મુલાકાતથી આનંદ રહે.

- અગ્નિદત્ત પદમનાભ