મેષ : દેશ- પરદેશના કામમાં, આયાત નિકાસના કામમાં આપને સાનુકૂળતા મળી રહે. સંયુક્ત ધંધામાં ભાઈભાંડુ આપને મદદરૂપ થાય.
વૃષભ : આપે તન- મન- ધનથી વાહનથી સંભાળીને શાંતિથી દિવસ પસાર કરી લેવો. સામાજિક- વ્યવહારિક કામમાં અડચણ જણાય.
મિથુન : આપના અગત્યના કામનો ઉકેલ આવવાથી રાહત થતી જાય. મહત્ત્વના નિર્ણય લેવામાં સરળતા જણાય. પરદેશના કામ થાય.
કર્ક : આપના કામમાં ઇર્ષ્યા કરનાર વર્ગ, હરિફ વર્ગ મુશ્કેલી ઉભી કરે. કોર્ટ- કચેરીના કામકાજ અંગે દોડધામ- શ્રમ ખર્ચ જણાય.
સિંહ : આપના રૂકાવટ- વિલંબમાં અટવાઈ પડેલા કામનો ઉકેલ આવતો જાય. આપના કામની કદર પ્રશંસા થાય.
કન્યા : આપને કામકાજમાં પ્રતિકૂળતા જણાય. જમીન- મકાન- વાહનના કામમાં ઉતાવળ કરવી નહીં. વાહન ચલાવવામાં સાવધાની રાખવી.
તુલા : પરદેશના કામકાજ અંગે મિલન- મુલાકાત થઈ શકે. સહકાર્યકર વર્ગ, નોકરચાકર વર્ગનો સાથ સહકાર મળી રહે.
વૃશ્ચિક : આપના કાર્યની સાથે સામાજિક વ્યવહારિક કામમાં આપે વ્યસ્ત રહેવાનું બને. કામનો ઉકેલ આવતા રાહત જણાય.
ધન : આપના ગણત્રી- ધારણા પ્રમાણેનું કામકાજ થવાથી આનંદ અનુભવો. રાજકીય- સરકારી કામમાં સરળતા જણાય.
મકર : આપે બેંકના- વીમા કંપનીના, શેરોના કામકાજમાં સંભાળવું પડે. સાસરી પક્ષે - મોસાળ પક્ષે બીમારી- ચિંતાનું આવરણ આવી જાય.
કુંભ : આપના કામમાં આકસ્મિક સાનુકૂળતા મળી રહેતા કામનો ઝડપથી ઉકેલ આવતો જાય. સીઝનલ ધંધામાં લાભ- ફાયદો જણાય.
મીન : દિવસના પ્રારંભથી જ આપે સતત કોઈને કોઈ કામમાં વ્યસ્ત રહેવાનું બને. જમીન- મકાન- વાહનના કામ થઈ શકે.
- અગ્નિદત્ત પદમનાભ
